news://news.hkpcug.org/hkpcug.interest.wildlife

亦即係呢到既前身. 建立於 25/04/2004, 其實應該更早. 因為之前係另一個 newsgroup server 到開左好似幾個月. 不過因為唔 stable 所以去左 hkpcug 到.

hkpcug newsgroup server 既特色同呢到有一個共同點. 就係不涉任何商業. 只係志願人仕有錢出錢有力出力. 呢個亦係我希望能夠堅持既一個原則. 我唔想商業因素影響到我地呢到既文化.

原本無諗住 close 果邊. 起始亦係諗住兩邊一齊行. 因為我知始終有一班人喜歡玩 newsgroup 多 d. 不過過左一輪. 果邊都冇咩起色. 查實應該係大部份活躍版友都過左黎呢邊. 咁果邊淨返 d read only members.

年尾時曾出 post 話 close group. 但好多人 replies 叫唔好. 咁我就繼續睇下點. 但係. 始終. 果面文化係睇多過出 post. 怎住落去觀察. 試過 5 日一個新 posts 都冇. 唔想浪費人地 server 空間. 所以都係正式摺左佢算.

係果邊識左好多朋友. 好多朋友亦支持我. 一起來了這邊. 我基本上冇咩傷感. 因為我唔覺得果邊係冇左. 只係進化左. 變左一個界面美麗左. 分類清楚左. 更親切. 更有歸屬感既形式出現. 最重要係. 一些我地覺得應該好好保留既資料. 可以繼續 keep 落去. 而唔再係三個月就無晒. 想找返係找唔到. 我覺得. 作為一個生態資訊性既 internet forum/newsgroup. 呢樣野. 好重要.

最後在此. 多謝當年幫過我手起 newsgroup 既幾位朋友 : 光圈先決, 和 hkpcug newsgroup admin 小巴巴. 感謝~!

噉去呢度睇咪一樣，完全冇損失。

wildlife group 己經完成左佢既歷史使命！
向hkpcug.interest.wildlife作最後致敬！

响wildlife新聞組敬禮！ 永遠懷念…

敬禮 , 鞠躬

致敬...

。在那兒開始分享作品，是02年開始；轉眼間，這些日子，便消逝了。

02 年? 你指 dp 谷果邊呀?

Thank you and good bye!