米埔賞琵鷺 每位220元
社福界批評剝奪窮人賞鳥機會         2006年12月8日

http://www.mingpaonews.com/20061208/gna1h.htm

【明報專訊】候鳥南下過冬的季節已經來臨，黑臉龐、湯匙嘴的黑臉琵鷺亦紛紛「回歸」新界濕地，米埔周二更錄得359隻的歷來新高。管理米埔的世界自然基金會特別舉辦觀鳥團，讓市民踏上浮橋走進后海灣泥灘觀鳥，但每位收費220元，被社福界人士批評昂貴，剝奪窮人賞鳥的機會。

359黑臉琵鷺來港創新高

米埔保護區主任施百納表示，黑臉琵鷺在米埔的數字已連續3年衝破300大關，是保育界一大喜訊。他解釋，米埔人員今年刻意將基圍慢慢放乾以穩定食糧，每天逐少去水4至5厘米，讓黑臉琵鷺每天都有足夠基圍蝦飽餐，吸引了牠們逗留。另外，亞洲各地近年為黑臉琵鷺大力推行保育工作，包括南北韓休戰區、泰國、台南、福建、泰國等濕地，而九鐵亦在落馬洲的生態補償濕地為黑臉琵鷺送上食物，故令黑臉琵鷺繁殖情理想。

黑臉琵鷺在2000年由「極度瀕危」改為「瀕危」品種，現時全球有1700隻，米埔約佔五分之一。牠們每年約10月來港，逗留至翌年3、4月。

世界自然基金會將舉辦收費觀鳥團，推廣保育工作。不過，社區組織協會主任何喜華認為米埔是公共資源，基金會提出的貴價門票，會剝奪窮人賞鳥的機會，而目前綜援人士並沒有政府津貼參加文化康樂活動；他認為以抽籤分配名額會較公平。

米埔﹕旅程長達7小時 故收費較高

米埔保護區經理楊路年解釋，觀鳥浮橋團長達7小時，路程較長，帶遊人踏出后海灣泥灘觀鳥及紅樹林，故收費較高，而現時一般米埔團收費70元為時3小時。他指收費差異主要是因為浮橋受海水侵蝕，容易發霉，需要保養。楊補充，基金會曾找來贊助，安排傷殘人士及學生免費參加浮橋團。

他強調，基金會是非牟利機構，門票收益撥入保育基金，但過去爆發禽流感令米埔關閉，影響收入，基金會亦不知道將來何時會再關閉，財政是一個考慮。

不過，其實除了米埔，黑臉琵鷺亦會散落在流浮山的尖鼻嘴及天水圍濕水地公園，後者成人入場票只需30元。

明報記者 吳卓盈

抵俾人話啦... 咁死貴....

「不過，社區組織協會主任何喜華認為米埔是公共資源，基金會提出的貴價門票，會剝奪窮人賞鳥的機會，而目前綜援人士並沒有政府津貼參加文化康樂活動；他認為以抽籤分配名額會較公平。」

D 人又係拉埋來講，
睇小黑唔使出浮橋，
就算出去都未必有得睇。

生態旅遊其中一個要求係活動要幫助保育，
用入場費支持保育開支無可厚非，
況且出浮橋重有其他途徑。

如果照某某人的邏輯，
我又可以話基圍蝦團收費太貴，
剝奪窮人食蝦的機會。

總之楊生呢鑊就捉蟲啦. 諗住攪 press 幫你宣傳. 點知幫你倒米. 最尾果句教人去 WLP 實激死佢.

同意BWA 所講
第一....雀唔係只係米埔有得睇
第二....收錢係其中一個FILTER 走"趁熱鬧"人士的方法，如果抽籤......一定係"趁熱鬧"的霸晒d 位
第三....濕地公園都係公共資源.....照以上logic....應該都要free 俾"窮人"先合理
第四....管理MP 都係要錢...世上無FREE LUNCH
最後....唔該唔好成日標籤"窮人"乜乜乜..."窮人"物物物.....我恐怕窮人無諗咁多野.....係食飽無事做的想得多了

講得好

我都覺得收220蚊係冇錯和.........
人地日常維修都要錢ga la><
窮人唔應該有特權.........
一來對其他人唔公平..........
二來真係窮既話,就應該自己努力脫貧..........
而唔係要求個社會點點點黎就你..............