HKWildlife.Net Forum 香港自然生態論壇
遊客:  註冊 | 登錄 | 龍尾 | YouTube | Facebook | English | Library | Blog | 幫助


 
標題: 蝴蝶灣對開有個鯊魚竇 釣魚發燒友一連釣兩條
leo2004 (甘拜下風)
成蟲
Rank: 4Rank: 4Rank: 4Rank: 4


UID 121
Total 2094
主題
回覆
精華 0
積分 4367
種子 4367
花蜜 1779
閱讀權限 50
註冊 2006-7-21
Pri. Camera:  Olympus
狀態 離線
發表於 2012-10-20 23:45  資料 短消息 
蝴蝶灣對開有個鯊魚竇 釣魚發燒友一連釣兩條

http://hk.apple.nextmedia.com/news/art/20121020/18044835

蝴蝶灣對開有個鯊魚竇
釣魚發燒友一連釣兩條

【本報訊】屯門海域出現大群鯊迹!有釣魚友上周初在蝴蝶灣對開海面,竟連續釣獲兩條近兩呎長青鯊,海底更有一群餓鯊追着魚餌來咬,幾條鯊魚還成功咬斷魚餌游走。《蘋果》日前跟隨他們出海,再次釣獲青鯊,發現鯊魚群距離蝴蝶灣沙灘僅3.1公里。鯊魚專家指,青鯊正值繁殖期,多集中出現在某一帶水域,有機會游近淺水區,市民切勿游出防鯊網。
記者:莫家文、麥超億、劉漢權

隨手釣到鯊魚的釣魚發燒友阿Ken,自言釣魚十多年,釣到鯊魚還是第一次,「啲鯊魚一群群咁嚟,唔係一條半條,從未見過咁嘅情景,真係好興奮!」上周一,他跟五名友人到屯門三聖邨碼頭租艇出海釣魚,沒想到竟一連釣了兩條青鯊。
「我哋買咗大蝦做餌,諗住釣石斑,但成朝都釣唔到魚」。船家透過俗稱「探魚機」的聲納探測儀,駛到青洲英泥廠對開海面,發現該處有魚群聚集。「突然覺得魚餌勾到大石,郁得好大力,我以為釣到細鱗,即刻扯上嚟,點知沉一沉冇咗條魚,連鉛、魚鈎同魚絲成套釣組都冇晒!」
船家見狀大叫︰「嗰條九成九係鯊魚!」不過當時船上無人相信,他們繼續釣,豈料魚餌又再沉了沉,經過一番鬥力後拉起魚絲,又發現整套釣組不翼而飛,於是試了四、五次,「點知我望落個海,嘩!竟然見到有條鯊魚追上嚟食餌!」
此時,他的朋友終於成功將魚釣起,登時被嚇呆了:「條鯊魚有兩呎長,大概四、五斤重,釣起嗰吓有啲驚,驚俾佢咬。」沒多久,阿Ken也釣到一條青鯊,「呆咗!一落就中,點解咁多?係咪喺下面生咗一竇?」
青鯊正值繁殖期

周三記者跟隨阿Ken出海,帶齊工具的他自言不希望再釣鯊魚︰「做魚餌嘅蝦好貴,鯊魚群好快搶晒嚟食,我哋根本唔想食鯊魚,目標都係釣石斑。」當日如他所願,釣了不少石斑和細鱗,直至傍晚仍未見有鯊迹。
船家駛往上次發現鯊魚群的地方,「鯊魚通常一早一傍晚出沒,家隨時會釣到鯊魚」。阿Ken說罷便將魚餌丟落海,不到五分鐘已感到魚絲有異動:「好似有條魚咬得好實,感覺有8斤!」他用力一拉,一尾身長兩呎的魚在空中亂跳,弄得周圍水花四濺,細心一看,原來是條3斤重的青鯊BB。
阿Ken快速將青鯊拋入船內,牠死命掙扎了幾下,很快便一動不動,即使Ken將牠放回水中,也沒有起死回生。「呢種鯊魚一釣上嚟就會死,放番落海都冇用」。阿Ken再丟下魚餌,不到三分鐘,魚絲竟又有異動,「好似有7、8斤嘅魚喺度咬,好大力!」他感到又是鯊魚,決定放生,果然一條青鯊扯脫魚鈎從水面一躍而出,再潛入水中,他驚嘆道:「下面真係好多鯊魚!」
記者將鯊魚屍拿給海洋公園水族部館長黎耀南,他指出鯊魚叫即青鯊,只有數個月大,「青鯊通常喺夏天完結冬天來臨之前繁殖。 發現有鯊魚出沒的位置在屯門蝴蝶灣泳灘對出海域。         阿Ken連續釣獲兩條近兩呎長的青鯊。

切勿游離防鯊網

黎耀南說,青鯊一胎可生十多條,故發現一群鯊魚BB不足為奇。雖然青鯊不會主動攻擊人,不像黑鰭鯊或虎鯊般惡,但遇到青鯊也不能掉以輕心,「千萬唔好落水,因為你一定唔夠鯊魚游得快,你游得快更加會令佢攻擊你」。由於鯊魚群出現在蝴蝶灣和黃金海岸等泳灘附近,他提醒市民游泳時一定要在防鯊網內,以策安全。
頂部
 


Untitled Document


當前時區 GMT+8, 現在時間是 2021-4-11 12:10

Powered by Discuz! 5.0.0  © 2006-2008 HKWildlife.Net
Processed in 0.029794 second(s), 9 queries , Gzip enabled
清除 Cookies - 聯繫我們 - HKWildlife.Net - Archiver