收到以下的email! 請大家幫幫忙!


我們是一群居住於西貢的居民，因為都熱愛和關心西貢的環境和社區問題，便成立了「西貢之友會」 (Friends of Sai Kung)，致力保護西貢的自然環境和野生動物，並且就西貢區的社區發展提供意見。

路政署現正就西貢四線公路的擴建計劃展開諮詢，我們認為這條四線公路擴建之後，只會引來更多車輛進入西貢，不但未能解決交通問題，反而會使西貢的交通情況更趨惡劣。我們更憂慮太多車流和人流只會招來大型連鎖集團進駐西貢，然後普遍引致商舖租值升高，最終趕絕小本經營的本地商戶，最後西貢市只會成為下一個和沙田大埔一般毫無特色可言的新市鎮。

我們熱愛西貢的自然山水和地區風情，將來的發展如何便掌握在你我今天的決定。

規劃署早於 2005 年發表的西貢東南規劃研究報告內，已經建議蠔涌至西貢市一段應該鼓勵發展環保的運輸工具，以便保育西貢獨有的小鎮特色和自然景觀；所以我們只需於上述路段擴建來回單車徑，並且於蠔涌設立泊車位鼓勵市民以最環保、健康、安全的交通工具進入西貢。沿途更可增設不同的餐廳、小食店、休憩設施，方便市民欣賞西貢真正的美。

我們極需要你的參與，如果你同意我們的見解，! 請簽名支持或登上我們的網頁，進一步了解詳情。謝謝垂注！


to sign the online petition pls visit

http://www.friendsofsaikung.org/ska_form_c.html


to get more details, pls visit:

http://www.friendsofsaikung.org/hiram.html (English version)

http://www.friendsofsaikung.org/hiram_c.html （中文版）

thanks

西貢之友會
Stanley

[ 本帖最後由 Sze 於 2008-6-10 23:14 編輯 ]

搞錯呀, 香港唯一一個後花園都搞 ?
香港正苦又一杰撻撻盲目發展!
強烈反對!

我不要條條大路西貢，我要現在的特色小路！
不要擴建馬路！！！

反對! 反對! 反對! 再反對呀!

我住喺西貢10幾年,西貢難得保持到渡假小鎮風情,
雖然近年,已察覺大事妙,開始有d集團式經營嘅野出現,
幾年前,有間"扒X之王"開張,嚇得我吖!
過,好快執咗,
舊年,有間 Pie and X 餅店,幾個月前又執咗,
即係反映,遊人專程入嚟西貢,做咩唔去食海鮮,
去食西貢出名嘅各國特色小菜,去海旁cafe、bar,
而要走去食喺旺角、尖沙咀都可以食嘅"扒"啫,
入到西貢,做咩唔去茶餐廳食波籮油、奶茶,去買地鐵站都買到嘅pie同撻啫。
亦證明遊人都係鍾意西貢特色而入西貢。

政府講發展嘅人,都無了解事實,
又花好多錢去攪"wor"西貢,攪到西貢無哂特色,行西貢好似行尖沙咀咁,
d人就唔入西貢,個爛攤子又要小市民suffer。

其實而家都有少量大集團喺西貢,但係,唔太損害地方民生,
e.g.:麥記, 佢嘅食物同客路跟地道茶餐廳唔同,唔會毀滅茶餐廳,
但係只此一家就ok,如果再有其他大型快餐店入黎,
食物同價錢都會玩死茶餐廳同d小菜館,西貢如果無晒茶餐廳、小菜館,
有大XX、美X, 咁咪同旺角一樣囉!
另外,舊年又有間"U RXXXX"連鎖服装店開喺西貢,
鬼咁礙眼,我都唔明d咩生意頭腦,
買呢d日常便服,遊人唔駛去西貢買啦,貪扐咩,市區梗有一間喺左近。
嘥咗個鋪位,以前個鋪位賣民族衫同沙灘用品,好多時係業主加租,趕走地道小商店,
大集團俾得起錢,就喺度大殺小鎮風景,
但係自由市場,無辨法,唯有由市場決定,黑心d希望佢無生意就會走。
所以,政府更加唔好帶頭大興土木,開路,招欖大集團等等,
唔好將西貢呢個後花園城市化啦,唔該! 用吓腦啦!



[ 本帖最後由 魚魚 於 2008-6-11 02:44 編輯 ]

又回返d官腔信!


(檔案編號：1-143729671) Objection to Stages 1 and 2 of the widening of Hiram's Highway

敬啓者：

你近日致函行政長官，表達對西貢公路改善工程的關注，謹此致謝。我們獲授權代為回覆。

進行西貢公路改善工程，旨在應付現時和日後按分區計劃大綱核准圖落實的發展和康樂及旅遊業相關發展所帶來的現有和預期交通需要。西貢公路改善工程第一期的最後階段涵蓋清水灣道和北圍之間的路段。有關工程主要涉及兩個路段，其中一段靠近嘉林別墅，而另一段則靠近匡湖居。根據運輸署的評估，上述路段有需要擴闊為雙程分隔車道。擴闊道路可紓緩匡湖居附近路段的交通擠塞情況(目前的行車量已超出其容車量)，以及改善嘉林別墅附近路段的交通安全情況。

我們已就現時的擬議計劃(即在嘉林別墅附近加建一條雙線分隔下坡車道以及把匡湖居路段擴闊成雙程分隔車道)徵詢西貢區議會交通及運輸委員會、西貢鄉事委員會和西貢分區委員會的意見。各委員會大致上支持擬議計劃。我們保證，路政署在推行這項工程計劃時會遵從相關的法定程序，審慎評估工程計劃可能造成的環境影響和採取適當的緩解措施。

西貢公路改善工程第二期涵蓋北圍和西貢市之間的現有道路。進行擬議改善工程，旨在應付交通需求和改善道路安全情況(例如急彎、視線欠佳和難以橫過馬路等)。在目前階段，我們歡迎各方人士提出不同的改善方案，並且會繼續蒐集市民的意見，以期制定獲廣泛接受的計劃。

因此，我們十分重視市民在改善計劃的發展階段提出的意見。除了諮詢西貢區議會、有關的鄉事委員會等組織外，路政署亦與各有關人士會面，以了解各方對改善工程的看法。當局曾於二零零八年二月二十三日和二零零八年七月十二日舉行公眾論壇，以蒐集市民對這項工程計劃的意見和建議。路政署會繼續蒐集市民的意見，以制定改善方案。

謝謝你熱心關注這兩項工程。如欲進一步查詢，歡迎致電負責第一期改善工程的高級工程師陸茂根先生(電話號碼：3188 3288)和負責第二期改善工程的高級工程師宋榮光先生(電話號碼：2762 3658)。


路政署主要工程管理處
高級工程師／西貢公路
宋榮光

我都收到...

小妹也住西貢，認為沒這必要，可不想這裡變城市！

我同意！如果連西貢也失守，真的不知點算好了！

我也住西貢...如果這樣可以保存西貢的特色, 我寧願每日出去/返黎遇到少許塞車!
建大型公路... 唉...

除咗西頁，邊境禁區、南大嶼、新界東北...，其實除咗少數貪婪嘅地主同埋啲發展商要求發展，市民根本無人話要搞。
點解啲官噤積極去推？明知有人會反對都去搏？梁展文事件睇得好清楚，以前負責土地規劃嘅高官同地產商都係「暗瓦底」，現在嘅態度係：擺明嫁啦！你吹咩！

雖然梁展文已離職，但係今天好多重大嘅規劃政策，都係佢在任時開始搞嘅。

如此低劣嘅土地規劃部門，重有無希望呢？

[ 本帖最後由 littlelittle 於 2008-8-4 11:08 編輯 ]