Board logo

標題: [版務] 香港自然生態導報 Journal of Hong Kong Wildlife [打印本頁]

作者: littlelittle    時間: 2007-9-19 15:36     標題: 香港自然生態導報 Journal of Hong Kong Wildlife

由HKWildlife 去搞一份學術期刊(名稱可再傾),大家點睇?

差不多是香港唯一的自然生態學術期刊 Porcupine!,http://www.hku.hk/ecology/porcupine/ 出得越來越疏,可能都唔撑得好耐,撑得住嘅話,影响力亦已大減。
當年Porcupine!的誕生填補了 Memoirs of the Hong Kong Natural History Society的不足,但今天亦步其後塵。

原因點解?如果你係大學教,要有前途,當然要多做研究多出Paper,辛苦寫出嚟嘅 Paper當然投稿去一些國際知名的期刊,點會投 Porcupine?如果你唔係學院派、但有料有知識,鐘意寫吓嘢,又多數唔會投 Porcupine,因為出得疏,而且只有小圈子睇,最後形成惡性循環。

HKWildlife 强項係 hit rate 勁高,可能係全世界最高 hit rate 最高 response rate嘅生態論壇!

HKWildlife 已凝聚好多猛人,能寫亦願意寫,其實這裡不少文章已達學術水準。

香港自然生態導報容許寫中文,會吸納多啲人寫嘢。

全部文章均以學術形式寫,以區分導報同論壇。用中文嘅最好有 English summary,讓更多人可以參考。

點解要搞?因為可以推動對本地生態認知的進步,在學術層面為自然出一分力。

邊嗰去編輯、如何審稿、如何確保學術地位等等細節問題大家可以多提意見。

最重要有幾多人會投稿,如果真係搞得成,我會投一篇去創刊號。

[ 本帖最後由 littlelittle 於 2007-9-19 15:37 編輯 ]
作者: sttsim    時間: 2007-9-19 15:59

初步歡迎構思. 很值得研究和深入討論的題目, 一時間未能作太多回應, 會用心諗.

問1: Porcupine不知發生甚麼問題, 好似出遲咗?

問2: AFCD有newsletter of HK Biodiversity, 佢哋好似話歡迎外界?

問3: 為甚麼不考慮用自然探索學會 或 郊野探索, 甚至 HK Discovery 作 hardcopy 平台?

問4: 會唔會 dilute 現有渠導 e.g 以上Porcupine, AFCD, 郊野探索, HK Bird Report?

舉例: 有會員要求HKBWS 出似journal 的 technical report, 結果出得3份paper就冇人submit paper.

[ 本帖最後由 sttsim 於 2007-9-19 16:07 編輯 ]
作者: littlelittle    時間: 2007-9-19 16:38



QUOTE:
原帖由 sttsim 於 2007-9-19 15:59 發表
初步歡迎構思. 很值得研究和深入討論的題目, 一時間未能作太多回應, 會用心諗.

問1: Porcupine不知發生甚麼問題, 好似出遲咗?

問2: AFCD有newsletter of HK Biodiversity, 佢哋好似話歡迎外界?

問3: 為甚麼不考慮用自然探索學會 或 郊野探索, 甚至 HK Discovery 作 hardcopy 平台?

問4: 會唔會 dilute 現有渠導 e.g 以上Porcupine, AFCD, 郊野探索, HK Bird Report?

舉例: 有會員要求HKBWS 出似journal 的 technical report, 結果出得3份paper就冇人submit paper.

AFCD 嘅 Newsletter 似乎都係自己啲 working groups 係到出嘢。

郊野探索和野外動向並唔學術,香港自然生態導報要純學術,非學術嘅可以係論壇出。Hardcopy可以印黑白,賣俾幾家大學圖書館,佢哋會bind 翻靚。不過係人都鍾意睇網上彩色版啦!

另開新路,百花齊放不是很好嗎?

以往不少本地wildlife 嘅discussion group都死咗,但結果在 Owen 大哥英明領導之下,HKwildlife 一舉成功。

最初幾期逼啲版主、expert一人交一篇,造起個勢。最初HKwildlife.net 咪又係果10條8條友係到你一句我一句,撑咗一論先搞起!
作者: sttsim    時間: 2007-9-19 17:08

HKWildlife.net 內有好多嘢都係 new to HK, 如果版友肯寫, 都可以出到好多期.

我相信哩個係好機會俾各版友, 值得支持, 發表多 D 意見啦

[ 本帖最後由 sttsim 於 2007-9-19 17:22 編輯 ]
作者: Gilbert    時間: 2007-9-19 17:37

有個藍本或者會好d. 蟲版方面. 個人認為可以學習hkls既香港蝴蝶的文獻 . 不過有機會觸犯飼養規條.
作者: 特別懶散    時間: 2007-9-19 17:50

我呢個小小版友, 雖然唔識寫文獻  

不過希望總有一天有機會透過平日出o既 post 為各位高人提供丁點資料啦~~

[ 本帖最後由 特別懶散 於 2007-9-19 17:54 編輯 ]
作者: littlelittle    時間: 2007-9-19 17:53

不如錦:

如果Owen哥認同嘅話,可以專函邀請啲猛人傾一傾,如果肯做編委會成員就最好,唔肯都至少交吓稿。

蟲版比較活躍而學歷高嘅至少有 hkmoth, nadia, 清心、philiplo, sttsim(排名不分先後,漏咗亦請見諒),估計個個都有 postgraduate 學歴,大部份亦係 PhD添。加埋其他版,點都有十零二十個掛?佢地嚟得喱到玩,代表佢比多多少少願意contribute。相信點都揾到幾個肯擔大旗掛?

幾個月出一期,每期有5篇paper左右就夠。

[ 本帖最後由 littlelittle 於 2007-9-19 18:11 編輯 ]
作者: littlelittle    時間: 2007-9-19 17:55



QUOTE:
原帖由 Gilbert 於 2007-9-19 17:37 發表
有個藍本或者會好d. 蟲版方面. 個人認為可以學習hkls既香港蝴蝶的文獻 . 不過有機會觸犯飼養規條.

期刊可以有期刊嘅規條,純學術去考慮問題。
作者: sttsim    時間: 2007-9-19 19:02     標題: 回覆 #7 littlelittle 的帖子

都幾好玩! 不過我係百搭, 我仲玩雀...... 除咗唔落水, plant 都只得undergrad level.
作者: sttsim    時間: 2007-9-19 19:14

突然諗到一樣嘢, 因為此網有好多HK New record, 所以首先每類生物要做好一個 literature review + existing check list 先, 然後根據本網發現者的時序, day back 番 D credit 俾版友 (尤其是小版友).

所以第一步要每個目, 或 科做出一個check list

e.g. colin 有螳, 我有 Jumping spiders, 清心有 all  spiders (- JS), phili, little little, hkmoth.......誰做甲蟲, 誰做半翅....是大工程, 講漏邊位唔好怪

不過總要開始, 認同小小建議, 大家是時候了, 自已認頭啦

我唔太擔心小版友的文字和科學水平, 做做吓就掂, 哩度好多人互相幫助

[ 本帖最後由 sttsim 於 2007-9-19 19:36 編輯 ]
作者: chickenold    時間: 2007-9-19 19:43

支持小小既建議.
香港係細, 但係呢度o既生態研究有咁多年歷史, 都算有個基礎
而眾學院似乎亦將香港生態研究留給漁護署同其他保育團體做

由一眾自然愛好者組織journal去延續研究, 起碼耳目眾多, 資料來源廣泛
以本身的興趣帶動似乎較持久, 亦不用考慮太多研究資源分配問題

當然有很多實際問題要解決 -

定位:
學術期刊一般都對來稿嚴加審核
Journal of HK Wildlife應如何訂定界線?
目標係世界公認權威刊物, 抑或是純粹文集、紀錄?
又或者是循序漸進, 開始時讓大家學習如何將自己的觀察寫成學術紀錄, 慢慢再提高文章要求.
講真, 期期都要靠高手"撐場", 好快就會脫稿. 一來時間有限, 二來很快便由興趣變成責任.
正是之前其他刊物的下場.

審核:
稱之為Journal, 無論門檻高與低, 總要有人負責編審
誰來做? 怎樣做?
相信這會是一份義務工作, 編審也要靠閒暇完成Journal的事.

資源:
無論是網上版本或者是hardcopy, 出版journal都需要資源(web hosting / 印刷...)
是否需要集資 / 募捐, 或者找人義務提供?

若果真的成事, 小弟定當幫手執頭執尾
作者: sttsim    時間: 2007-9-19 19:52

Porcupine 主要係HKU人

如果J of HKW promote 俾all Universities, 相信 bio and eco students 會撐場

QUOTE:
期期都要靠高手"撐場", 好快就會脫稿. 一來時間有限, 二來很快便由興趣變成責任.
正是之前其他刊物的下場

錢係問題, 但是一個可以解決的問題, 如果正苦或consultants要info, 可以賣俾佢, 咁就有水啦

QUOTE:
是否需要集資 / 募捐, 或者找人義務提供

我相信大家合力, 可以幾容易 take the lead of the field in HK,
作者: chickenold    時間: 2007-9-19 19:58



QUOTE:
原帖由 sttsim 於 2007-9-19 19:14 發表
突然諗到一樣嘢, 因為此網有好多HK New record, 所以首先每類生物要做好一個 literature review + existing check list 先, 然後根據本網發現者的時序, day back 番 D credit 俾版友 (尤其是小版友).

所以第一步要 ...

我又諗到d野
長遠黎講, 我覺得可以set up一個HKWildlife Database
初步構思係將各位o既觀察紀錄輸入去database度(日期, 時間, 照片...)
利用GIS software(Arcview? Google Earth?)去紀錄觀察地點.
藉著各位o既力量去建立各種生物分佈同季節性o既資料庫.

唔知漁護署個database做到幾詳盡?

一個詳盡既數據庫其實有佢o既實際作用, 尤其係評估新發展對生態o既影響
至少有幾單例子係因為業餘觀察者o既紀錄而推翻環評 / 城規會議案.
顧問做o既baseline survey通常都係得一年, 好唔全面.

不過要開發個interface, 搵一個大空間去儲存數據同確保資料既準確性都係要解決o既難題......
作者: chickenold    時間: 2007-9-19 20:02



QUOTE:
原帖由 sttsim 於 2007-9-19 19:02 發表
都幾好玩! 不過我係百搭, 我仲玩雀...... 除咗唔落水, plant 都只得undergrad level.

唔怕, 我地有藍面神仙
作者: sttsim    時間: 2007-9-19 20:56     標題: 回覆 #13 chickenold 的帖子

GGGGIS....... 要好多錢......要programmer.....要full time staffs (正苦個database, 我都知少少, no reason duplicate)

stick on little little's idea, 已經好金

step by step, 好多目連check list 都未有

我諗緊一個可以self-sustain嘅營運方式, 又要達到容易取得資料

[ 本帖最後由 sttsim 於 2007-9-19 21:00 編輯 ]
作者: chickenold    時間: 2007-9-19 21:12



QUOTE:
原帖由 sttsim 於 2007-9-19 20:56 發表
GGGGIS....... 要好多錢......要programmer.....要full time staffs (正苦個database, 我都知少少, no reason duplicate)

stick on little little's idea, 已經好金

step by step, 好多目連check list 都未有

:TF 我諗緊一個可以self-sustain嘅營運方式, 又要達到容易取得資料

係呀, 所以咪話長遠囉.

"容易取得資料" - 即係...
作者: blackdogto    時間: 2007-9-19 22:59

正苦似乎也會放手基線調查的營運....
大學又要找其他有$$$的方向
民間力量的生態研究也應要冒出來...

Journal真係好學術性, 似乎真係要d猛人同冇生活壓力的高人才可以實行...
我地呢d冇乜能力和時間的人有冇野可以幫手??????
作者: sttsim    時間: 2007-9-19 23:27     標題: 回覆 #17 blackdogto 的帖子



QUOTE:
Journal真係好學術性, 似乎真係要d猛人同冇生活壓力的高人才可以實行

唔叫journal, 叫newsletter會唔會對各版友輕鬆D呢?

小小, 要考慮考慮大家可能被嚇親.

我都聽聞正苦contract out baseline survey, 不過做正苦contract好Q麻煩, 收1蚊蝕2蚊

[ 本帖最後由 sttsim 於 2007-9-19 23:28 編輯 ]
作者: 深藍-Owen    時間: 2007-9-19 23:29

我又唔係 postgrad, 又唔係 undergrad, 更加唔係 phd. 完全答唔到嘴. 都係繼續唔出聲. 影相.
作者: sttsim    時間: 2007-9-19 23:34

小小, 我都話你嚇親 D 版友啦, 要諗吓點令版友又happy, 又投稿

QUOTE:
原帖由 深藍-Owen 於 2007-9-19 23:29 發表
我又唔係 postgrad, 又唔係 undergrad, 更加唔係 phd. 完全答唔到嘴. 都係繼續唔出聲. 影相.


作者: 剎那    時間: 2007-9-19 23:53

小弟不才 淨係識行山影相
不過我好支持呢個諗法
唔知到時我有冇可以貢獻既地方呢?
作者: blackdogto    時間: 2007-9-19 23:53



QUOTE:
原帖由 sttsim 於 2007-9-19 23:34 發表
小小, 我都話你嚇親 D 版友啦, 要諗吓點令版友又happy, 又投稿


我又唔會嚇親, 而且都好支持呢個提議, 不過可能好多版友真係無乜野幫到你地手, 結果都係你地做餐死....
作者: sswroom    時間: 2007-9-20 00:06



QUOTE:
原帖由 sttsim 於 2007-9-19 20:56 發表
GGGGIS....... 要好多錢......要programmer.....要full time staffs (正苦個database, 我都知少少, no reason duplicate)

GIS, 對我來說沒有難度 , 之前寫過功能差不多的程式 (介面用ASP), 除了地圖外, 全部自己開發, 連地圖引擎也是自行開發。

地圖方面, 用Lands那一Set的話, 要寫長長的Proposal, 而且是按次數來計錢......
如果是自己畫的話, 我們需要的Layer只是: MainRoad, District, Coastline, 還有是主要的山路(這個我未見過)
Coastline - 參考一下, 然後畫個似樣的便可以
MainRoad - 開車,用GPS PDA Cap一下便可以做出來
District - 用Coastline分割一下, 便能得出似樣的地區
主要的山路 - 帶GPS PDA上山Cap便可以

我也試過自己加一些山路出來, 不過我的GPS PDA的電只能用4小時, 所以我每次最多只能加20km的山路。
作者: sttsim    時間: 2007-9-20 00:11     標題: 回覆 #23 sswroom 的帖子

sswroom 識用GIS, 好勁呀

ArcView 要幾多銀呀?

點解吹吹吓唔見咗小小?

[ 本帖最後由 sttsim 於 2007-9-20 00:13 編輯 ]
作者: littlelittle    時間: 2007-9-20 00:14

1. 頭幾期要約稿,好多人唔出聲其實深藏不露,私底下約就會投。搞起咗嗰頭,paper 嘅 hit rate 高,以後啲人可能排住隊嚟投稿!

2. 可以有部份篇幅俾人寫短文,寫得多、睇得多就識啦!民間 journal 其中一個中心概念就係比機會民間嘅人出聲,唔一定要有 degree。但一定要保持學術水準,每期都有猛料,唔係就同依家論壇無分別。

3. 邀請詹博士、Dr. Kendrick 等學者開班教授 "寫 Paper入門",等大家都有法可依。

4. 提議可先開個學術論文版,儲得咁上下篇數就集成一期,排好版,印出嚟,發去大學圖書館和相關學術機構,唔駛乜嘢錢。不過一定要開新版,因為係現有嘅版做嘢個個用網名,人哋無辦法quote啲文章,學術論文版一定要出真名。Owen 網主可先揾幾個猛人做編委,審核來稿。我一定投稿,登唔登另一件事。
作者: sswroom    時間: 2007-9-20 00:16     標題: 回覆 #24 sttsim 的帖子

ArcView.....明天問問先...
我之前不是用ArcView的, 我是寫個類似ArcView的程式出來, 這樣連GIS的錢也可以省回。
作者: littlelittle    時間: 2007-9-20 00:33

呢到有玩GPS資料,我依家幅幅外攝RAW相都有GPS data embedded into EXIF data, 易過借火!

http://www.hkwildlife.net/viewth ... ight=gps&page=1
作者: chickenold    時間: 2007-9-20 00:36

ArcView不難用
公司做污水, 雨水渠設計都係用佢
但係價錢就真係唔知喇
作者: SimFish    時間: 2007-9-20 00:47

這構思係好, 不過好似有好多技術問題。
特別是一涉及學術性層面, 通常會有好多爭議(其實可以係好事)。

開頭, 更難吸引高質素的學術性文章, 這些通常是某領域中的先鋒研究,
學者都較傾向在己有一定公信力的機構發表。
而且內容可以非常沉悶, 一般人沒法消化。
所以耍做到學術期刊的內容, 不單是供稿群的稿源問題,
也涉及讀者群消化能力的問題。

Porcupine的文章, 我覺得他們的定位不似是想做一本很權威性的學術期刊,
而像是生物多樣性的壹周刊式深入報導文章多D。
如給它定位, 正好是一個進階的科普文章, 比較容易消化, 也有一定程度的學術性。
只是他們全是英文, 讀者群都是相關的學生、研究生或學者, 在華文世界影響力似乎有限。

所以如果做到類似Porcupine中文版, 我覺得已很成功。
在推廣本地自然野生動植物知識及保育方面將會有更大影響力。
因為讀者群不會只限原先的Porcupine讀者群, 而是更大的華文世界,
當然會失去英文世界的關注, 但如果真是高質學術文章, 相信作者自己會投到相關期刊中。
況且這裡是中英皆可。

一個學術性質的權威或公信力網站, 不是一朝可達。
同意先設一個比現時較具學術性的專區, 給各高手磨利把刀, 中英文都好。
又或者網版主覺得那篇文章可觀可讀性甚高, 也可以精華帖形式轉貼其中。
累積一定高水平文章, 才慢慢走向更學術或純學術層面。
任何版友, 也可以有貢獻, 起碼在徵集有關照片時, 可以更有大來源。

祝各位大哥大姐馬到功成!

作者: littlelittle    時間: 2007-9-20 00:58     標題: 回覆 #29 SimFish 的帖子

虛魚說得好!
又上了一課。
作者: 雀仔To    時間: 2007-9-20 01:02



QUOTE:
原帖由 SimFish 於 2007-9-20 00:47 發表
這構思係好, 不過好似有好多技術問題。
特別是一涉及學術性層面, 通常會有好多爭議(其實可以係好事)。

開頭, 更難吸引高質素的學術性文章, 這些通常是某領域中的先鋒研究,
學者都較傾向在己有一定公信力的機構發表 ...

好同意你既諗法
如果唔覺得煩既話都出中英版可能會比較好,單中或英會令一啲人睇唔到
都可以考慮將讀者既範圍擴到普通市民,開頭可能做唔到,先吸取經驗之後可以再加大範圍
不過對呢方面無咩知識既市民可能睇唔明一啲詞彙,到時都可以加一個詞彙表黎解釋

我影相唔靚,都唔夠各位識得禁多,都無咩幫到手
所以只能精神上支持,各位努力啊!
作者: sttsim    時間: 2007-9-20 01:07     標題: 回覆 #29 SimFish 的帖子

同意藍面神仙:

QUOTE:
所以如果做到類似Porcupine中文版, 我覺得已很成功。
在推廣本地自然野生動植物知識及保育方面將會有更大影響力。
因為讀者群不會只限原先的Porcupine讀者群, 而是更大的華文世界

比較大眾化可以多D版友參與

[ 本帖最後由 sttsim 於 2007-9-20 01:09 編輯 ]
作者: little    時間: 2007-9-20 09:58

要出學術性的journal都幾難, 大家都關心香港的自然生態, 但有時覺得這個forum有些人較少看外國的journal 或保育方法, 有時只留意報紙或magazine所報導的外國新聞, 其實學術界很多方面都走得幾遠幾好.

如果focus在普遍性, newsletter 比較適合, 但應用性卻比較限制於本地的保育工作, 較難推廣到其他的地方, 因為每個地方的環育生物都很不同, 保育方法可能是完全相反, 太天馬行空的方法是行不通, 破壞性很大.

不論是journal of hkwildlfe定newsletter of hkwildlfe, 的確要有中英文版, 因為無可否認, 外國的保育工作做得很前, 很宏觀, 如果只出中文版, 一部份人看不懂, 而文章便只會變成華文的news, 而不是methods 或solutions.

而如果依賴某些出名出位的學者寫文章的局限性都幾大, 有時我們無有那方面的知識去判斷那些理論是否正確, 如果學者用心寫了些好文章, 大家會否覺得有些良費呢?

Porcupine遇到的問是是比較少人有時問處理編輯, 有時投搞不太多, 要長遠出版刋物, 一定要fulltime或有些人長期的付出, 有很多仔細的東西要處理, 而且審核是一個問題.

我支持出學術性的journal, 因為有嚴緊的挸範, 專業的求知求真理的態度, 才會開發新的, 良好的保育方法.

萬事起頭難, 而守業更困難, 但大家都努力幹, 多些討論, 找出一個好的方法啦!
作者: 魚魚    時間: 2007-9-20 11:33

我唔係好識生態出版嘅嘢(但係都好關心大自然),
我想打個比喻, 西九, 正苦話要發展香港做藝術之都,
駛好多錢去起硬件, 幾多幾多個場地,容納幾多幾多觀眾,
媲美國際文化都會等等,
硬件當然重要, 但軟件都一樣好重要,
起咁多場地,有無咁多觀眾呢? 只靠外地遊客撐唔到幾耐,
長遠係要培養本土欣賞藝術表演嘅觀眾,
最好由中、小學開始, 由小培養藝術氣息。
生態環保嘅情況都差唔多,
環保同藝術有個共同處,
既有世界共同嘅宏觀概念,同時, 都有地域文化、地理背境嘅不同性,
即使國際學術界,專家研究去到幾遠幾好,
保護自然生態係需要(即使唔係每個人)大部份人從每天嘅生活去配合,
先可以實踐保護自然生態,
從小培養環保意識, 同埋將學術智識, 轉個普及化、道地化嘅presentation,
將自然生態由一小撮專家嘅話題, 擴展至成為大部份人都參與嘅事,
咁就好啦!

作者: little    時間: 2007-9-20 11:43     標題: 回覆 #34 魚魚 的帖子

咁一個NGO會比較全面, 較普及, 因為只有newsletter 或 journal 而無follow-up會事倍功半, 尤其是對學生和公眾, 很多人都需要親身體驗, 好過只看文章, 沒有行動, 沒有心去全力支持環保.

[ 本帖最後由 little 於 2007-9-20 11:46 編輯 ]
作者: sttsim    時間: 2007-9-20 16:13     標題: 回覆 #34 魚魚 的帖子



QUOTE:
即使國際學術界,專家研究去到幾遠幾好,
保護自然生態係需要(即使唔係每個人)大部份人從每天嘅生活去配合,
先可以實踐保護自然生態,
從小培養環保意識, 同埋將學術智識, 轉個普及化、道地化嘅presentation,
將自然生態由一小撮專家嘅話題, 擴展至成為大部份人都參與嘅事,
咁就好啦!

認同魚魚

先易後難, 學術性要有, 但也要present 得 popular, then we will get more contributors, more authors, more income from subscription.

[ 本帖最後由 sttsim 於 2007-9-20 16:17 編輯 ]
作者: mathew    時間: 2007-9-20 17:34

看了大家的回應之後, 有少少野想講/問(無整理, 有點亂 ) :
1. 請問創立<香港自然生態導報 Journal of Hong Kong Wildlife>目的係? 若目標不清晰, 便很易走錯方向.
2. 若是填補Porcupine, 何不投稿去Porcupine或是跟Procupine合作? 這兒應有很多HKU人可兒搭路
3. 我想一本生態雜誌比一本學術期刊更配合這站的風格. 其實我一直無將Procupine看待成學術期刊. 因為除了一至兩篇Editorial之外, 其他多數是一些新消息及HKU學生練習寫文章的地盤.
4. 當年孫啓元曾出版一本"自然生態學術期刊"(己經唔記得叫咩名 ), 出唔夠5期就玩完 , "自然生態學術期刊"有市場嗎? 若讀者同是這討論區的訪客, 何解要分開人流?
5. 就出版而言, 每期對排版/校對的要求非筆墨所能形容. 若是期刊, 會被"期"所限, 對一些特發事件/新消息反應會受限制.
6. "自然生態學術期刊"能否為現在討論區帶來幫助?

建議善用討論區現有的資料(不用特別從新寫), 得到文章作者同意後, 用blog或是"新論壇"的形式將這些資料(經排版/校對後)有系統發放.
不要被現有的出版形式限制.

QUOTE:
原帖由 littlelittle 於 2007-9-19 15:36 發表
由HKWildlife 去搞一份學術期刊(名稱可再傾),大家點睇?

差不多是香港唯一的自然生態學術期刊 Porcupine!,http://www.hku.hk/ecology/porcupine/ 出得越來越疏,可能都唔撑得好耐,撑得住嘅話,影响力亦已大減。
當年Porcupin ...


作者: little    時間: 2007-9-20 18:46     標題: 回覆 #37 mathew 的帖子

1.  目的很重要.

2. 其實我都覺得投稿到Porcupine最方便, 一來不用額外人手負責編排, 二來已有一群讀者, 加埋這個forum的人, 真幾厲害, 而者發表的文章已screen過, 質素有保證.

3.  咁野外動向已很類似, 何不投稿去野外動向?

4. 孫啓元那期刋有很多錯處, 而且完全忽視了外國學者, 參加了一些活動, 覺得像宣傳自己多d, 少了保護自然的重點.

5. 所以投搞到Porcupine最方便

6. 如果有質素, 容易重温, 又不可以天馬行空, 而且新發現的知識會加以整理, 研究和分析, 幫助都幾大.
作者: mathew    時間: 2007-9-20 20:12

野外動向 是商業雜誌(講錢失感情), 而且是以野外為主, 並不集中於生態題材

再重申, 討論區形式其實己經可以做到大家提到的地方, 何解仍而另起爐灶分散人流?
學術權威往往牽涉很多根學術無關的討論/爭議.

至於建立/倚賴權威, 有必要嗎?
看<延陵>, 不談他的政治取向, 他的研究精神(是否合法不在此討論)及編採方向/形式, 在考慮出版<香港生態導報>絕對值得參考.

還有一點是大家心目中這<導報>是收費的嗎?
在我心中一直是而免費為大前提下作討論. 但在討論串的字裡行間好像隱約看到有收費的意向.
免費/收費南轅北轍, 要好好考慮清楚.

QUOTE:
原帖由 little 於 2007-9-20 18:46 發表
3.  咁野外動向已很類似, 何不投稿 ...


作者: BWA    時間: 2007-9-20 22:14

我覺得最緊要好玩!

日常工作已經夠忙夠煩,
下班後要找一點有趣有益的活動興鬆一下,
上來的目的是想看看照片,
吹吹水,交換一下情報,
又或者找一些有趣的故事和資料而已。

自己碰到好題材,會貼出來分享一下,
娛已娛人(希望不是誤已誤人 ),
滿足一點點表演慾,
亦希望可以散播一點點正面的保育信息。

要寫認真的學術論文,
一來沒有那個水平,
二來沒有足夠資料,
三來也沒有多大興趣。

如果見到一些有趣的東西,
只要輕鬆地說個故事,
交代一下便可,
這樣更能吸引到普羅大眾,
提起人欣賞愛惜自然的興趣。

寫論文的事,
還是留給學術人到到學術圈子去好了。


作者: sttsim    時間: 2007-9-20 22:48

講起論文, 大家都俾佢嚇親,

但係short notes or short report 去報導new to HK record 係好重要, 也是對版友的發現作出一個合理描述與及credit. 否則, 好難move forward, 因為沒有打基礎.  現在, 大家有基礎的材料, 冇人去document, 太浪費了

因為現時有關香港生態的文獻太out-dated,

我個人認為收錢才会令件事sustain, 全世界paper都收錢, 也無礙information exhange, e.g. HK bird report 都收, 有成本架.

我個人認為做 facts desciption 或 local literature review 是可以的, 至於experimental 則太遠了

[ 本帖最後由 sttsim 於 2007-9-20 23:09 編輯 ]
作者: sttsim    時間: 2007-9-20 23:17     標題: 回覆 #39 mathew 的帖子

這也是小小要concern, 依家太多会, 只有兩三人

QUOTE:
再重申, 討論區形式其實己經可以做到大家提到的地方, 何解仍而另起爐灶分散人流?


作者: 剎那    時間: 2007-9-20 23:39

如果作為一種大眾報既形式
用簡明易懂既手法導入保育既觀念去介紹香港既自然生態如何?
作者: littlelittle    時間: 2007-9-21 00:37

講到<延陵>,昆蟲方面百份之九十以上資料都多年無update,一個人寫都有咁大影响力,點解?因為睇起嚟好學術。香港自然生態導報如果一年出幾期,每期有幾篇猛料,影响力難以估計!

現在論壇當然很好,但係所有人都用網名,街外搞學術嘅吸咗啲料唔使quote,因為無得quote;結果就係猛人唔會攞猛料放係度,無人會係論壇寫學術嘢。

點解唔投稿 Porcupine?成年都唔知出唔出到一期,投咗啲新料都變舊料啦!

點解唔投稿野外動向、郊野探索?因為佢地嘅稿全部都係約稿,無關係鬼要你啲稿?

其實好簡單,如果有人肯投學術稿嘅,咪搞囉!如果啲猛人有自己嘅考慮,唔肯投稿,想搞都無得搞。
作者: sttsim    時間: 2007-9-21 00:50     標題: 回覆 #44 littlelittle 的帖子

可能哩度D 版友唔介意街外搞學術嘅吸咗啲料唔使quote,
我就當然明小小嘅worry啦

QUOTE:
街外搞學術嘅吸咗啲料唔使quote,因為無得quote;結果就係猛人唔會攞猛料放係度,無人會係論壇寫學術嘢。

另一方面, 大部分new to HK record的文章係出唔到国際 journal, 所以先有 AFCD 出 biodiversity, 或HKU 出 豪豬.

[ 本帖最後由 sttsim 於 2007-9-21 00:54 編輯 ]
作者: 兵兵    時間: 2007-9-21 00:53

亂入一下~~~
小妹正在跟某農場做緊fyp~也有學習gis軟件~
聽聞gis軟件價錢的話~~
學校買好平~4位數便ok~
但其他可能要用6位數字銀碼~
而用既圖,又係一個一個地方來計~
而且好似買既圖既唔同比例,又有唔同價錢~~
總之就係好貴啦~~~

同埋其實我的fyp係做香港市區某會飛的生物~
gps在香港既市區收得唔好~~
我們都係用番最原始既mark地圖方法~
係gis度搵番個位反而仲準~~
當然細外高人們在野外當然另計啦~~
我來補充一下而已XD

PS~地圖在市區用香港街,郊區當然係HM20C
作者: sttsim    時間: 2007-9-21 00:56     標題: 回覆 #46 兵兵 的帖子

甚麼會飛的生物? 講嚟知
作者: 兵兵    時間: 2007-9-21 01:02



QUOTE:
原帖由 sttsim 於 2007-9-21 00:56 發表
甚麼會飛的生物? 講嚟知

哺乳類

因為其對環境的敏感性很高~
相關組織不想太張揚~

但過程實在很愉快~
希望到FYP完左後有個結論~
可以番來跟版友分享~

作者: Gilbert    時間: 2007-9-21 01:02

蝙蝠 ??
作者: SimFish    時間: 2007-9-21 01:19

個人覺得, 就目的而言, 學術性文章目的應該是純學術研究, 是知識的追求,
不涉其他, 也不應涉環保, 生態保育等。

如目的是『推廣本地自然生態知識』(無可避免地加上保育),
那便要應該以較貼近社會的方向出發。
而且更加要『本地化』, 所以才說如果做到了類似Porcupine中文版很不錯了。

Porcupine中很多文章其實就是和『推廣本地自然生態知識』有很大關係。
例如一早己有學者大聲疾呼要擴大海岸公園及全公園內全面禁漁,
點解正苦毫無反應?
因為沒有學術界以外的本土人士參與。

點解沒有學術界以外的本土人士參與?
因為香港一般人根本唔知原來香港正苦有關正策咁肉酸。

點解香港一般人根本唔知?
就是因為沒有這方面的中文資訊。
例如不少人對於海岸公園內原來仍是可以持牌捕魚, 感到十分驚訝。

『推廣本地自然生態知識』, 單靠幾位老外專家及一眾研究生寫的英文Articles,
是不能有效令正苦有任何反應的。

景賢里業主一早寫埋信俾正苦想商討有關事宜, 正苦都好似植物人咁毫無反應。
直到拆樓, 有人抗議, 至臨急醒一醒。
幾個老外, 幾篇英文稿又如何令植物人正苦對於難搞的保育工作有所行動?

『推廣本地自然生態知識及保育』, 一定要依靠本土力量,
那便一定要有本土文字的資訊。
即是一定要有中文的資訊, 香港才會更多人知道有關生態情況,
只有這樣, 民間才有更大影響力。

相信香港很多人都會很關心自己的居住環境及其生態,
只是沒有人告訴他們那裡出現問題, 甚麼方法可以補救。
一般人不會走進Porcupine網頁攝取本地較權威的生態資訊,
想睇也未必睇得明。
Porcupine始終給人感覺是大學的『內部刊物』,有點『象牙塔』feel,
但是如果將其文章, 全部譯做中文, 或是有一本類似的中文刊物, 那便不同了,
識字的香港人也可以看得明, 而且都是講本地動植物生態,
相信不少人有興趣。
甚至其他華文世界也可以作為參考。

野外動向, 我也只是看過一兩期, 因為我一向以為是野外活動雜誌。
如果多一個香港自然生態media(in the form of magazine or website or whatsoever)又何妨 ?

沒錯, 如需要國際的學術交流, 及關注, 英文資訊是十分重要。
那Porcupine也許是其中一個媒介。

但如果說『『推廣本地自然生態知識及保育』』
最終, 如沒有香港人, 用廣東話, 透過傳媒向正苦施壓,
任何正苦, 沒有人出聲, 都會選擇少做少錯, 唔做唔錯的『定律』行事。
植物人正苦是沒有奇蹟給你的。
任何正苦都不怕外人指指點點, 最怕就是被自己的公民指責。

所以做一本刊物, 目的是很基本要定明的問題。
目的是學術研究的話, 那又是完全另一個方向。

[ 本帖最後由 SimFish 於 2007-9-21 09:47 編輯 ]
作者: SimFish    時間: 2007-9-21 09:25

如果以學術研究或交流為目的,
這裡有一個網 “Zootaxa”值得參考。
它主要是收集生物分類學有關的PAPERS, 歡迎任何人提供Articles。
他們accept了之後, 一個月內便會刊登, 也會出printed copies。
網上讀者方面, Abstract 免費, Full Articles有些是要subscribe, 有些則是免費。
原來免費的Articles反而是作者付款的, 因為他們可能有充分funding,
又想世界各地更多人知道他們的研究成果, 所以付款公開他們的Full Articles。

不過想做到他們般規模, 相信是要世界性稿源才能成事。
他們的headliner:World's Top Journal In Biodiversity discovery, publisher of 6199 new taxa in 68765 pages by 3558 authors worldwide since 2001
還有他們有Sample Paper, 及一些寫Paper的標準格式指引
可參考一下:
http://www.mapress.com/zootaxa/

[ 本帖最後由 SimFish 於 2007-9-21 09:35 編輯 ]
作者: little    時間: 2007-9-21 09:51

基本上都同意SimFish的一些觀點, 如果沒中文, 香港的生態問題會少人關注, 譬如以前建錦繡, 多數只有外國人反對, 結果成了生態大災難, 但塱原多香港本地人反對, 自然建不成.

但SimFish的這個觀點:
>就目的而言, 學術性文章目的應該是純學術研究, 是知識的追求, 不涉其他, 也不應涉環保, 生態保育等。

完全不同意, 因為環保, 生態保育許多時是由學術界開始, 譬如沒有學術界研究漁業問題, 普通人只會知道現在很難捉大魚, 魚少了很多, 但不會知道嚴重性, 譬如由學術界研究發現某地區的生態系統已崩潰, 某些魚的品種已不能恢復到原來的盛況.

學術界其實一直帶領著環保, 推動環保, 簡單或表面的原因, 因為研究要有funding, 所以一定要有目的的,  而環保就是當中最大的目的; 有內涵的原因, 因為很多學者打從心底裡愛措大自然, 被千變萬化的生態所感動, 又發現很多人都忽略了自然環境, 很多生物都受威脅, 便以學術研究去揭發問題, 去找尋方法保護環境.

譬如看看Jane Goodall, 如果沒有長期的學術研究, 是不會知道黑猩猩多麼的珍貴, 多麼的聰明, 與人類有多相似的地方, 而人類破壞生態是多麼的愚蠢.

看看Jane Goodal l的 root & shoot 的成功, 便會知道要推動環保, 保護香港的自然環境, 正是要學術界最前線, 最先知先覺的生態學家走入社會, 推動社區的保育活動, 普羅大眾若能由生態學家帶領去保護自然環境, 猶如站在巨人的肩膀上, 視野會更遠, 胸襟會更廣, 其成效會更大而深遠.
作者: SimFish    時間: 2007-9-21 10:27

我的意思不是說學術研究和生態保育不相關。
當然是絕對相關的。
但保育是學術研究之後得出的『成果』,不應該是學術研究的『目的』,
如懷著一目的去做研究,那便不是一個純學術的研究,
而是似一個R&D的Project。

純學術的研究本身, 就算是有Funding(多數有)應該是不設任何立場的。
否則便可能出現Bias。
Jane Goodall 或任何科學家的忘我投入, 動力主要是來自對『知識』或人類未知的『真相』的追求,
保育是因為對猩猩及其生態了解了更多之後, 而一定會發生的『結果』,
不是研究本身的『目的』。
研究本身的『目的』便是to know more。
保育是將純學術研究運用(apply) 的結果,不是學術研究的『目的』。
勉強的比喻可以是Pure Science 同Applied Science的分別。
如將生態的純學術研究比喻為Pure Science,
生態保育便可以說是一種Applied Science
兩者關係密切, 但是需要分開搞清楚。
作者: little    時間: 2007-9-21 14:04     標題: 回覆 #53 SimFish 的帖子

因為通常生態學的journal (如 Conservation Biology, Ecology, Journal of Ecology...)的articles 的 objectives 都有類似:
1. To identify the causes of xxx's rarity
2. To describe its abundance and distribution
3. To suggest solutions to save xxx
4. To apply xxx so as to protect the xxx habitat.
等等的目的.

不過, 我們還是討論:
1. 需不需出刋物, journal 定 newsletter?
2. 出刋物的目的是什麼?
3. 對象是誰?
4. 在那裡發行?
5. 如何編輯, 審視文章, 提高質素, 正確性, 應用性...?
6. 如何持續出版?

我的答案是:
1. 需要出刋物
2. 希望多些本地人關心香港的生態和自然環境
3. 對象是知識份子 (大學或上, 因為中小學等已有很多ngo做),
4. 在大學, NGO, 重要的生態旅遊地方(如米埔, 遊客中心)買,
5. 本forum 的各個高人負責審視文章
6. 有批評性, 圖文並用, 資料要update和全面, 多方面...

  ...唔...也可能需要同時搞生態旅遊, 講座等活動, 加以宣傳, 保持收支平衡...  越想越多...
似乎需要建立一個社會企業...需要充滿理想和愛護自然的年輕人, 創意的保育思維, 廣大的人際網絡...

   不容易, 但我們知其不為而為之, 我們將會實現保護香港的美麗的自然生態夢...

[ 本帖最後由 little 於 2007-9-21 14:07 編輯 ]
作者: DecaPoda    時間: 2007-9-21 14:39



QUOTE:
原帖由 littlelittle 於 2007-9-19 15:36 發表

差不多是香港唯一的自然生態學術期刊 Porcupine!,http://www.hku.hk/ecology/porcupine/ 出得越來越疏,可能都唔撑得好耐,撑得住嘅話,影响力亦已大減。

請注意, Porcupine 的定位是 Newsletter, 不是 Journal, 也沒有 aim at 定期出版.  個人認為它的讀者層面並不只局限於"圍內人", 至少我在這兒經常看到有版友引用/轉述它的文章.  亦相信有部分版友都是因為其他版友的 Citation 而得悉並閱覽 Porcupine.

論學術性, Porcupine 的定位是作為專家與業餘人士交流意見的平台, 總不能要求文章水準能和正統學術期刊看齊罷???  然而吾以為它的 Editorial 以及不少文章都是甚有水準的.  

有心志去攪一份推廣欣賞/關注本地生態的刊物, 志氣可嘉, 然而不要看輕如 Porcupine 這類 Newsletter 的影響力, 也請認真衡量以本 forum 的人力物力, 是否足夠出版, 以及更重要的 - 可持續地經營一份 Journal of Hong Kong Wildlife. 若然走錯方向便大事不妙!

[ 本帖最後由 DecaPoda 於 2007-9-21 14:41 編輯 ]
作者: little    時間: 2007-9-21 15:07     標題: 回覆 #55 DecaPoda 的帖子

如果forum 有足夠的人力物力, 都可以試試出刋物, 當然需要大家discuss 多d, 想清想楚, 是不是想把forum的文章編輯成文, 或學術文章.

我一直都看Porcupine, 知道那些Professor非常出色, 就算本forum有多位博士碩士, 影相功力多高, 對政府有多不滿, 又有一顆火熱的心, 但要出一些有學術水準的文章, 都起碼要多多在生態的圏子'浸淫'多些年頭吧!

博士碩士和HKU 的 Professor比, 都有一定的距離! 但我贊把forum的文章, 討論等編輯成文, 出一些較淺白的書籍/newsletter, 這個應該容易d.
作者: SimFish    時間: 2007-9-21 20:27

多謝Little的討論。
可能我的表達能真是力有不逮, 或是大家的理解和定義用不同。
生態學的journal, 或是其他學的journal也好,
學術層面上, 最基本首要都是知識的追求。
有了知識少才決定如何運用得來的知識。
生態學便是生態學, 不等於生態保育。
前者是生態知識的追尋, 後者是生態知識的應用
例如:
1. To identify the causes of xxx's rarity
2. To describe its abundance and distribution
3. To suggest solutions to save xxx
4. To apply xxx so as to protect the xxx habitat.
個人理解, 頭兩者是純學術性研究, 是『知識』的追尋。
後兩者已是知識及技術的運用, 當然也可以很學術性,
主要是『方法』的追尋。就是有點R&D 的意味。
但當中過程也是首要是以『知識』的追尋為基礎。
沒有了『知識』基礎, 也不會有『方法』的出現。
至於那是否可以算是一份純學術性的Journal呢?
那便要討論詞彙的定義, 例如何謂『學術性』,何為『Journal』?
也許現代的不同知識領域之間, 已有太多關連, 部份學科已分不出是學術性還是技術性。
再討論下去可能要離題討論下Theory of Knowledge。

現在的討論範圍, 好像是如果出『香港自然生態導報』,它定位,或目的是如何?
例如是類似Porcupine形式, 還是上述提及ZooTaxa形式,
還是其他更多可能性呢 ?

作者: sttsim    時間: 2007-9-21 22:42

小小, 你嘅收穫都唔少喎, 收夠料未呀?

我意見係

風格: 嚴肅

level: 高中學生用心可以睇得明嘅, 大學生可以掌握嘅, 有心的版友會有興趣嘅 --> 有市場

文字: 中文 (for local population and china / taiwan) + 英文 abstract (for international) + 中英文 keywords

提材: 可分幾 parts, e.g. review article, short notes, local new finding, interesting observation, experimental results; 不須要每期有齊各種文章

期數: 出到第一期試刊號, 收吓 feedback才算, 見步行步, 但每步要有upgrade.  所以越早submit paper有着數

收費:  free for abstract on web (no photo), full version in Pdf and hardcopy is charged. (authors 有free copies) 另, 版友有subscribe 有discount

editorial group: 好頭痛, topics 太 board, 要分好多細groups, 容易做成自己人check自己人 (今時今日, 版友的資料走得好快, 好前, 普通一個研究生係唔易追, U professor 係醒, 但係 lack of skill and information.) by term appointment, 人只会一年比一年猛, 想enjoy the process, raise your hand as early as possible la.

operation: company operation but not for make money, just for balance account

每本journal都有成長過程, 初時一定係圍內人玩, 題材比較local, 漸漸可以吸納馬交, 深圳...等等, 好長遠

[ 本帖最後由 sttsim 於 2007-9-21 23:46 編輯 ]
作者: littlelittle    時間: 2007-9-21 23:39



QUOTE:
原帖由 DecaPoda 於 2007-9-21 14:39 發表
...若然走錯方向便大事不妙!

我又唔覺得會有什麼大事不妙,搞唔成或搞咗無耐摺埋最多咪失望、無面!又唔使蝕錢,又唔會傷害其他人或破壞環境!

這個論壇嘅中心概念就是由參與者控制發展,網主只要訂一些基本規條,最後變成點,Owen大佬都控制唔到,佢最多只能無眼睇嘅時候摺埋佢。

學報亦可以用此概念去運作,由投稿人去控制定位和將來發展,如果啲稿篇篇猛料,咁學報咪猛囉;如果啲稿多樣化,學報咪多樣化囉。

只要訂一啲簡單規則:
1. 文章必須署名(真實姓名)
2. 行文盡量正統、嚴謹
3. 不能有違學術道德,例如引用別人資料就必須清楚註明。
4. 不能人身攻擊、誹謗等。

除了傳統學術論文外,較簡單容易、較多人可以参與的還有:有趣、罕有、少人認識的物種記錄,蟲版、植物版時時都有類似文章(其他版少睇、唔知),只要執靚少少都可以刊登。考察、夜攝等活動報告,只要資料寫得清楚詳細一些也有其學術價值,更不乏可讀性。一些觀察、記錄的技巧分享,例如野花拍攝和觀察技巧。某物種的生態行為觀察記錄,例如仰泳蝽的獵物,鴛鴦出走記等,花一、兩天時間耐心觀察就做到。...

對象可以闊一點,特別係中、小學生,成日要做project,就有多一個正式資料來源。能夠影響將來社會楝樑也是很好的貢獻。

坐言起行吧!

順便回應一吓 Decapoda,Porcupine 近來差唔多一年先出一期,應改名叫"oldsletter",叫newsletter太諷刺!
作者: sttsim    時間: 2007-9-21 23:41     標題: 回覆 #59 littlelittle 的帖子

對對對!!!!

QUOTE:
只要訂一啲簡單規則:
1. 文章必須署名(真實姓名)
2. 行文盡量正統、嚴謹
3. 不能有違學術道德,例如引用別人資料就必須清楚註明。
4. 不能人身攻擊、誹謗等。

哩D 在 journal 叫 technical tips, 幾 common

QUOTE:
拍攝和觀察技巧。

[ 本帖最後由 sttsim 於 2007-9-21 23:43 編輯 ]
作者: sttsim    時間: 2007-9-21 23:44

開會啦!
作者: DecaPoda    時間: 2007-9-22 01:19

" Porcupine 近來差唔多一年先出一期,應改名叫"oldsletter",叫newsletter太諷刺!"

似乎小小兄對這份 Newsletter 有很多不滿. 但我看重的是作者撰寫文章所花的時間和心力多於出版時間 - 好文章是不受時間限制的.

與其諷刺/批評人家, 倒不如寫幾篇擲地有聲的文章, 用行動證明自己的出品比人家更快靚正吧!
作者: littlelittle    時間: 2007-9-22 08:33



QUOTE:
原帖由 DecaPoda 於 2007-9-22 01:19 發表
" Porcupine 近來差唔多一年先出一期,應改名叫"oldsletter",叫newsletter太諷刺!"

似乎小小兄對這份 Newsletter 有很多不滿. 但我看重的是作者撰寫文章所花的時間和心力多於出版時間 - 好文章是不 ...

不要誤會!
小小經常有睇Porcupine,係裡面學咗好多嘢,只是近日有啲嘢想投稿,於是上去網睇睇下一期約莫幾時出,看見情況如下:
Number 34 Sept 2006,
Number 33 Nov 2005,
Number 32 Mar 2005,
Number 31 Jul 2004,
Number 30  Jan 2004.
...

一向半年左右出一期,依家成年都未見 Number 35,難道不失望嗎?難道不擔心它能否辦下去嗎?

跟著,我就想到既然 HKwildlife.net有咁多人才,訊息又快,係喱到搞電子學報有無得諗呢?

故事就係咁,我無才無識可以幫到咩手,吹吹水,間中認真地寫一兩篇嘢投吓,我只係想咁多。
作者: sttsim    時間: 2007-9-22 08:47     標題: 回覆 #63 littlelittle 的帖子

我第一個唔信小小講

QUOTE:
我無才無識可以幫到咩手,吹吹水。

仲有, 小小心中有一團火, 好值得我学習, 不過我最怕做吓做吓只有小小submit paper


我希望submit paper 嘅人可以係業餘人士:

(1) 版友只須作適量的調整和文字格式配合
(2) 很用心的高中生
(3) 天才小学生
(4) 一般大学生或以上
(5) 全職生態行業有關人士

文字格式要跟足 和 literature review 要充份, 文章只須精桿

有冇人玩呀? 有新料, 我都投稿呀!

好似跳蛛書, 文字部份俾出版社cut咗一半, 佢哋話太学術性, 太似論文, 所以很無奈地改到依家的模樣.
其實, 本跳蛛書第一稿似足一本中文版碩士論文.

如果有channel publish local ecological findings , 多好呢? 有冇人出錢出力, 一齊搞起個 party, 在Hkwildlife.net 的基礎上做 mine digging, 同Hkwildlife.net 相輔相剩

[ 本帖最後由 sttsim 於 2007-9-22 12:56 編輯 ]
作者: sttsim    時間: 2007-9-22 12:03     標題: 回覆 #63 littlelittle 的帖子

有冇小道消息知道 Porcupine 究竟搞緊乜東東? 遲咗出!

会唔会係 reform structure 去配合 market, 最後duplicate 咗同小小心目中一樣的東西呢?

又或者正苦突然吸納 小小 嘅idea, 把 AFCD's newletter 改改, 免費四圍派, 又搞到市場冇晒呢?

[ 本帖最後由 sttsim 於 2007-9-22 12:20 編輯 ]
作者: littlelittle    時間: 2007-9-22 12:54

我覺得唔好收錢,任人download,收得鷄碎咁多,人力都蝕埋。收得錢,又要公司注冊,好麻煩。
作者: DecaPoda    時間: 2007-9-22 14:54     標題: 回覆 #65 sttsim 的帖子

Porcupine 唔係出0黎賺錢, contributors 冇錢收, 出版0既頻密程度好視乎果期有幾多有心人士供稿 - 既然出0黎唔係賣錢, 何來 market???

我認為 AFCD 0既 newsletter 冇可能影響到 Porcupine 及其他有關出版刊物0既"市場". AFCD 整哩份野0既目的, 主要係想話俾市民知佢地哩個 Branch 做過0的乜, 搵到0的乜, 維持一定曝光率.

如果講做得差0既同類型刊物, 我會選"熊貓嘜"0既<生命之延> ....
作者: sttsim    時間: 2007-9-22 20:51     標題: 回覆 #67 DecaPoda 的帖子

DecaPoda, 太大的誤會, 我只是對 Porcupine 有點好奇.

一個 publication 收錢, 唔代表目的是為了賺錢, 只是收回成本, 例如我所做的, 一般只收物料成本.

Porcupine 也有成本, 只是hidden了, professors直接與間接用了HKU和Gov的resources. 一本journal, 不論是否收銀, 也要有market.  market 的定義可以是public或academic, market的力量就是令人進步, 當然editor要有stand, 不能太過market oriented.

但為甚麼不去creat market, 在market形成的初段, 對象不懂分辨, AFCD嘅newsletter有能力令大部分人不去選擇看民間newsletter, 因為每個 對象也有limiting factor, e.g. 時間, 睇咗有大牌子嘅AFCD newsletter, 就好難叫佢哋睇同類形journal (在general public 眼中, AFCD newsletter, Porcupine, 生命之延, journal 等是同一樣嘢).  生態書市場正是例子, 我 D 生物同学, 教中学的, 早幾年見有生態書出, 反應興奮, 依家對生態書厭倦了.

我認為小小的idea, + hardcopy 去中学promote, 可以 creat market (不是賺錢呀!) 除非去揾李超人 或 sir run run 捐10萬啦

其實, 去Mai Po都收錢, wetland park都收錢, .....

冇 hardcopy 不成的
作者: 深藍-Owen    時間: 2007-9-22 21:04

不如你地有興趣參與既 offline email 傾喇. 我同其他版主傾過. 暫時論壇唔會攪呢類刊物.

如果你地有興趣自己私下攪. 總算是香港之幸, 將來有需要. 只要係和論壇理念相近, 而又非牟利, 我地會 link 埋過黎幫你地宣傳架. Thanks.

帖子就此鎖上~!




歡迎光臨 HKWildlife.Net Forum 香港自然生態論壇 (http://www.hkwildlife.net/Forum/) Powered by Discuz! 5.0.0