Board logo

標題: [公告] 打雀.影雀 [打印本頁]

作者: 深藍-Owen    時間: 2006-6-28 17:47     標題: 打雀.影雀

好多時見.係香港dforum . 好多攝影人.都用”打”雀黎形容鳥攝.
我開頭都冇咩感覺.但聽得多都覺得有點礙耳.

後來我發覺.鳥會 forum 係唔比人用”打”雀呢個詞.

可能有 d人覺得有點麻煩.小題大作.
但.既然真係有人唔喜歡.何不就就其他人.將呢個字眼改改.

況且改改後.確實我覺得係順耳左.

打雀->影雀->鳥攝

無論你喜歡用邊個. 希望大家都幫幫手.一齊將”打雀”收返埋.
由鳥會開始.再由你我幫手.將影雀.鳥攝呢d詞句潛移默化.
慢慢散開去.

仲有.打蟲.打蝶.都係, 幫手唔好係呢個 forum 用.

Thanks.
作者: Gilbert    時間: 2006-6-28 17:52

係呀. 初初影相個時. 成日聽人講打虫打蝶. 仲以為係捉虫捉蝶. 打死佢地. 過了一陣才知是影虫影蝶.  

不過我覺得影雀較鳥攝順口.
作者: BWA    時間: 2006-6-28 18:06

好!尊重自然,應由日常用語開始。

點解?

用「打」字來代替「拍照」,往往含有將拍攝對象作為死物的輕視態度。

各位給老婆、女友或者仔女拍照的時候,斷估唔會話「打老婆」、「打女友」、「打仔女」吧!

改善用語,潛移默化,有助培養或加強尊重自然的心,也可以鼓勵其他人跟從,促進這種文化。
作者: d_jacky    時間: 2006-6-28 18:13



QUOTE:
原帖由 BWA 於 2006-6-28 18:06 發表
「打老婆」、「打女友」、「打仔女」

真係冇想過 「打老婆」、「打女友」、「打仔女」....
作者: SKII    時間: 2006-6-28 18:15

Support!  反正自己都好少用個 "打" 字, 通常用 "影雀仔"

p.s. 少見影人像用 "打人"?!

[ 本帖最後由 SKII 於 2006-6-28 18:58 編輯 ]
作者: dick    時間: 2006-6-28 18:20

有一次往鳳園, 見到有位老師希著一班學生影蝶, 不過他都是叫"打蝶".........

小弟以後會盡力配合
作者: wealthy    時間: 2006-6-28 19:29

嘻唔係駁嘴駁舌, 我反而覺得無喟, 好似有傳道人不喜歡信徙講"好彩" 硬是要求信徒說"感謝神"一樣, 有點兒"口號"的意味. 言語是一種不斷更新的東西, 以前有人認為叫"老豆"就是不敬. 但現在大多數人都巳接受. 保護自然生態更應該要深入和普及, 不要給人一種自鳴清高的印象. 打鳥又不是真的打一隻鳥下來, 有何不可呢. 只要大家接受又明白便成了. 我認為更重要的是大家觀賞自然時的行為, 希望能有多一些公德和共識. 這些更加重要吧. 見過太多"愛護自然"的同道拍照時的德行---嘿嘿. 有趣的是當他們看見別人做出一些不恰當的事情------------就--------唉!

唔同意就打頭啦

[ 本帖最後由 wealthy 於 2006-6-28 19:34 編輯 ]
作者: 深藍-Owen    時間: 2006-6-28 19:38

wealthy, 因為真係有人問過.你地去打雀呀?佢既問題係.真係以為我地去”打”雀.獵雀,咁點解要去混淆人地.況且.打.確係有貶義.我地愛惜佢地.尊重佢地.何解要扁低佢地.有d野.就係在一d細微細眼既野開始.我想我地做既野.有一點點兒既教育意味.亦係我攪咁多 Forum, Newsgroup 既原意.將一d正確.尊重生命既意識,帶比其他人.而打,攝.呢個好簡單既字.對教育呢個層面來說.更絕對唔能夠妥協.
作者: wealthy    時間: 2006-6-28 19:59

我基本上唔多同意呢個理論, 雖然我本身都好少用呢個字眼. 我當然尊重版主的決定. 但我深信這些教條式的做法會給人有"自鳴清高"的感覺,間接不利普及化. 我也不是說"打雀"是一個很好的字眼, 但他是我們社會"自然"生成的, 勉強改變是不必要的.
作者: 深藍-Owen    時間: 2006-6-28 20:04



QUOTE:
原帖由 wealthy 於 2006-6-28 19:59 發表
我基本上唔多同意呢個理論, 雖然我本身都好少用呢個字眼. 我當然尊重版主的決定. 但我深信這些教條式的做法會給人有"自鳴清高"的感覺,� ...

唔係勉強.有d野係要帶頭既.冇人開始的話.就永遠冇人糾正.

如果有人有覺得自鳴清高既感覺.我都無可奈何.

呢到基本上.都係靠自律為主.冇乜實際版規.暫時有既.就只有呢一條.
作者: wealthy    時間: 2006-6-28 20:06

我當然尊重版主的決定
作者: BWA    時間: 2006-6-28 20:30

「自鳴清高」和「堅持原則」有點不同。

「自鳴清高」有不屑和人交往的味道,不是單單一個詞語便能夠代表一切,要同時配合說話的語氣和身體語言,才會給人這種感覺。

如果能夠「堅持原則」,同時以輕鬆友善的態度解釋為何不說「打雀」,在提醒人愛護自然方面便更加有說服力。

例如:「我只會影老婆,唔會打老婆;同樣,我只會影雀,唔會打雀。」


個人不喜歡說「打雀」,除了避免給人獵雀的誤會之外,還有就是不願給人輕蔑自然的錯覺。

在「自鳴清高」和「輕蔑自然」之間,我選擇後者。

[ 本帖最後由 BWA 於 2006-6-28 20:45 編輯 ]
作者: lifelongmission    時間: 2006-6-28 20:34

不是為了支持「影雀、影蝶」而胡亂反對「打雀」,而是當大家都很順口說打雀的同時,是對小動物的一種不尊重,和給攝界外行人一個攝影人都很不愛護動物的觀感?

對我來說,生態攝影是一門興趣,也希望發展成為一門專業。專業的,不只是拍攝到一張很美麗的照片,同時是在攝影背後,學懂怎樣愛護那些被攝影的「對像」和牠們的生活環境。

如果可以做到將愛護環境,尊重生命的訊息同時帶給身邊的人,那便更好。
作者: lifelongmission    時間: 2006-6-28 20:46

回應 wealthy 和 bwa:
容我在這裏分享一些個人的攝影經驗,我在生態攝影的興趣上,有一個很好的開始,在攝影初期已經獲灌輸健康的基礎生態知識和概念。不是說不可以用很落俗套的方法與行外人溝通,而是,當有一天,一些偏差了的攝影觀念和技巧成為習慣,往往會忘記最基本的攝影守則和操守。
作者: wealthy    時間: 2006-6-28 21:09

明白大家愛自然的熱誠, 我自己的立場可能只是一家之言吧, 版規已立, 我當然尊重

只希望重申我的觀點: 口語 用字不代表心態, 生態保護要普及化, 咬文嚼字不見大利

[ 本帖最後由 wealthy 於 2006-6-28 21:16 編輯 ]
作者: oLDcaR    時間: 2006-7-13 14:36



QUOTE:
原帖由 wealthy 於 2006-6-28 21:09 發表
明白大家愛自然的熱誠, 我自己的立場可能只是一家之言吧, 版規已立, 我當然尊重

只希望重申我的觀點: 口語 用字不代表心態, 生態保護要普及化,  ...

wealthy .. 你不是一家之言的, 我覺得你有勇氣堅持這個原則, 很欣賞.
不似一 d forum 只係有吹虛, 奉成的 reply.  我同意你觀點: 口語 用字不代表心態, 生態保護要普及化

Forum 的意思係公開討論的場所;討論區 (from Yahoo Dictionary)
所以每種o野都有正反兩面, 唔係話我地去"(打) 雀", 就真係去捉隻雀打.
每個人都有獨立思考能力, 知道咩係正確, 咩係唔正確.
以我個人思考能力, 點解叫(打) 雀..只是形容我們影雀的裝備, 長鏡好像大炮一樣. 而長炮的目標係雀, 所以先有這個口語.

其實""(打) 雀"只不過係一個流通既俗語~ 能否接受與否,都係句果啦...適隨尊便啦
我又覺得若果要訂立版規去壓制,未免太尊橫!

難道口不講"(打) 雀"但不愛護大自然的是好人,相反咀邊常掛著"(打) 雀"但熱愛大自然的人就是壞人?
如果一個 forum 只係有你話咩就咩 .. 你話唔比講就唔比講, 那麼是一個健康的 forum 嗎?

香港人放輕鬆一點啦, 何必為"(打) 雀呢兩個字太過執著呢, 只要大家都擁有共同的興趣,開開心心討論就好啦 !!!

PS: 勁呀板主...可以 automatic 轉字 !! (打) 雀自動變影雀!!  言論自由無啦 ~~~

[ 本帖最後由 oLDcaR 於 2006-7-13 15:09 編輯 ]
作者: joeyip    時間: 2006-7-13 16:41

過路過路.

打.雀,影雀,攝鳥,都沒有清高不清高的分別,只是三個不一樣的動詞吧.


這個題目令我想起兩則耳語.
當笑話聽聽好了.

新來的.Joe

------------------------------------

某日在 lift 裡聽到的對話.....

小甲:『噚日玩過打蟋蜶,今日玩咩呀?』
沈默一陣.....
小乙:『打.雀啦!』
小丙:『打麻雀?好呀.去邊個度?』
小乙:『唔係麻雀呀,係打.雀呀!』
小丙:『打.雀有咩好玩jack? 打麻雀好玩D』
小乙:『唔係噃,我成日聽大佬講電話,同人話打.雀,佢真係翻風落雨都打架!』
小甲:『咁,你地未成日有雀仔食囉?咁,現家打咩嘢雀呀?』
小乙:『唔係噃,大佬好屎架,次次揹好多嘢出去,但係次次都打唔到雀.』
小丙:『打唔到雀仲有咩好玩jack?打麻雀啦!』
小乙:『唔係噃,佢次次播離,都鬼咁開心,仲即刻 lay 入房.可能佢收麻好多雀仔標本.』
小丙:『雀仔標本?係未好似學校d甲虫標本咁呀!好呀!打lor, 打lor.』

小甲:『咁,搵咩嘢打呀!』
小乙:『我成日聽大佬講話咩嘢長炮短炮,應該勁過電視d炮仔啩!』
小丙:『我有,老豆買咗支氣槍畀我,雖然唔係長炮,都係炮仔丫』
小甲:『我無喎!』
小乙:『我有支丫义!』
小丙:『無未射馬子lor!我教你.』
小乙:『我教你整支丫义啦,好易架!』

小甲:『咁,就打.雀啦!』
小乙:『打.雀!打.雀!我一定打到好多雀,叻過我大佬.』
小丙:『我叻D!我叻D!我有炮仔.我番去攞,樓下等.』

小甲:『未住,咁我地去邊度打呀!』
小乙:『大咬咬!』
小甲:『邊度離架!』
小乙:『唔知噃!大佬成日話去o既,我估...係下面公園嗰個水池啩.我見過下面有隻藍色雀仔.』
小丙:『唔好講啦,樓下等啦...』


------------------------------------

路邊耳語二則:

某溫習室內.

甲:『喂,你又「打.雀」咁眼望住佢,畀佢發現就無得睇架喇?』
乙:『唓,睇下姐,唔係點呀.』
甲:『喇,好似我咁,「影雀」咁眼啦.』
乙:『即係點呀?』
甲:『即係唔好盯實唔放,好似要食咗佢咁.要就住就住,睇兩眼,就擰轉頭,等佢唔為意,未可以睇多兩眼lor.』
亞丙忍唔住,搭了一句:
『打.雀咁眼唔得,遲早嚇襯佢.
  影雀咁眼好d,不過,至多畀你望多兩眼,
  應該面帶笑容,表現出你欣賞佢,仲要留意他的起好,他喜歡坐邊個位,一日一日咁移近個位.等佢唔覺唔覺咁接受你既存在,仲要唔好騒擾佢讀書喎,咁先可以做朋友家嘛!仲要唔好係佢身邊閃離閃去,雖然唔影響佢健康,但係好乞人曾!可能佢以後都唔再出現!.....』

甲乙怒目而視:『攝你個鳥啦!』

------------------------------------

註:文中耳語已作『修飾』

[ 本帖最後由 joeyip 於 2006-7-13 16:43 編輯 ]
作者: BWA    時間: 2006-7-13 19:24

如果我想同你影相,我應唔應該講「打你」?

如果我想同你 o既親人 影相,我應唔應該講「打你個親人」?

除非你有被虐狂,又或者真係想打你親人一身,否則就算我點樣解釋我好尊重你同你 o既親人,就算我點樣勸你「唔好咁執著」,你多少都會有 D 唔高興。

我唔知其他人有咩感覺,當有人同我講 「打.雀」,無論佢點樣解釋佢愛護雀鳥,點樣叫我「唔好咁執著」,我都會覺得唔高興。

[ 本帖最後由 BWA 於 2006-7-13 19:25 編輯 ]
作者: Gilbert    時間: 2006-7-13 19:49

算啦. 把口係人地. 我地只可以盡量叫佢地唔好講. 但無權叫佢地唔準咁lee個詞. 自律算啦.
作者: birdmanhk    時間: 2006-7-13 20:37

死啦... 以後唔可以 叫 打牌  做 打麻雀...

一個字  多種 解釋... 我諗大家都知.

\"影雀\" 響 攝影圈  可以解釋做拍攝雀鳥...
如果響 打獵圈 可能會釋做捕捉雀鳥... 只係大家對呢個字詞點解釋

小弟不才... 未聽過有人用 \"打人\" 黎形容 \"影人像\" , 但係 \"影雀\" 就成日聽.
仲有 \"打電話\", 唔通真係一拳打落電話度? 我日日都 \"打機\" 真係 一拳打落機器度?

拍攝 鳥類... 唔通 我又拍打 又攝取 鳥類 咩... 突然諗起以前 拍照  會 攝左你個靈魂.. 哈哈...

我覺得 有D似 文字獄 多D喇..

大家睇開D啦... 我諗黎得呢度  都係想開心下 :D:D:D
作者: 深藍-Owen    時間: 2006-7-13 20:49



QUOTE:
原帖由 oLDcaR 於 2006-7-13 14:36 發表


wealthy .. 你不是一家之言的, 我覺得你有勇氣堅持這個原則, 很欣賞.
不似一 d forum 只係有吹虛, 奉成的 reply.  我同意你觀點: 口語 用字不代表心態, ...

如果你咁都引伸為言論自由既話. 我就真係冇野講囉.

重伸:我建立呢個 forum 係有教育意味.雖然我未必夠資格教人.但亦希望能引伸一個正確觀念比其他人.而字眼既野.就好似一隻雀既名.雀有正確既名字.動詞正確既用法.教得人地用一個正確既雀/蟲名. 亦希望教得人用一個正確既動詞去形容佢地既活動.你可以唔同意.但呢個 Forum 要求一向唔高.

再重伸.版規暫時只係得呢樣.你唔喜歡我冇辦法~! 正如我唔喜歡用個打字你亦冇我辦法~!
作者: 。方鴻漸。    時間: 2006-7-13 20:51



QUOTE:
原帖由 birdmanhk 於 2006-7-13 20:37 發表
死啦... 以後唔可以 叫 打牌  做 打麻雀...

我覺得 有D似 文字獄 多D喇..

大家睇開D啦... 我諗黎得呢度  都係想開心下

。黎呢到當然開心,不過唔係單止純粹為開心咁簡單掛,正如影雀都唔單止求自己過癮掛。

。如果用「打機」同「打電話」黎做例子,我會咁諗: 我地「打電話」同「打機」時,都係同部電話及遊戲機有一定程度既身體接觸 (起碼隻手會touch到, 不過都可以話「打電話」時我用handfree同聲控dialing,但我諗唔係個個次次都會咁做掛。) 呢個「打」字,係引伸成控制部電話同遊戲既意思。(不過有時我打機真係會玩到想「打爆部機」

。但「影雀」呢? 影相時影相人與隻雀會唔會有身體接接觸呢? 如果無,咁用「打電話」同「打機」黎做例子,係咪唔太配合呢?

。仲有,的確唔可以叫打牌做打麻雀,因為麻雀係鳥類,而那個四個人通宵達旦東南西北的叫作「麻將」。
作者: birdmanhk    時間: 2006-7-13 21:03

我諗香港大部份人係都會講 打牌做\'打麻雀\'吧. 內地同台灣就叫 \"麻將\" ...  :D:D (記得有電影叫雀聖)

而家起碼大家響呢個FORUM或其他攝影forum 都知道  \'影雀\' 係等於 \'影雀\' 而唔係 \'捕雀\'...
作者: 深藍-Owen    時間: 2006-7-13 21:08



QUOTE:
原帖由 birdmanhk 於 2006-7-13 21:03 發表
我諗香港大部份人係都會講 打牌做\'打麻雀\'吧. 內地同台灣就叫 \"麻將\" ...  :D:D (記得有電影叫雀聖)

而家起碼大家響呢個FORUM或其他攝影for ...

明唔明係一回事.況且正如你所講只係d攝影forum 既人明.其他唔係攝影forum 既人咁點? 你assume 人地明?唔明係閣下既事? 係咪一開始就應該比一個正確訊息佢而唔係要人地疑惑一輪先知你地攪乜?

Sammy 影左好多海低魚.海低拍攝.潛水影魚.轉做潛水打魚會點? 點解要將呢個咁唔合理既字繼續發揚光大.而唔係大家合力去糾正返去?
作者: BWA    時間: 2006-7-13 21:18

「打電話」、「打機」打 o既都係死物,唔可以一概而論。

QUOTE:
... 未聽過有人用 \"打人\" 黎形容 \"影人像\" , 但係 \"影雀\" 就成日聽.

點解冇人用「打人」黎形容影人像?

相信就係因為「打人」對人太過不敬,怕一開口就得罪人。

你會唔會同愛狗 o既朋友講「打你隻狗」?


成日聽唔代表合理--我夠成日聽到粗口,但係唔會學住講。
作者: BWA    時間: 2007-6-8 00:01

吾道不孤!


影雀未必用大炮,105mm打白鴿

被打的麻雀好可憐
作者: BWA    時間: 2007-10-12 21:10

係街睇到哩個廣告,
馬上諗起

圖片: 070902 DSCN4669 shoot.jpg (2007-10-12 21:10, 109.83 K) / 該附件被下載次數 48
http://www.hkwildlife.net/Forum/attachment.php?aid=9220






歡迎光臨 HKWildlife.Net Forum 香港自然生態論壇 (http://www.hkwildlife.net/Forum/) Powered by Discuz! 5.0.0