Board logo

標題: FW:觀鳥及鳥攝應有態度的反思 [打印本頁]

作者: dreamcat    時間: 2011-2-12 20:36     標題: FW:觀鳥及鳥攝應有態度的反思

http://www.facebook.com/notes/lo ... -si/199430753400406
作者: 深藍-Owen    時間: 2011-2-12 22:46

** 已問準龍虎山中心方面可以轉載內文及圖片 **

近日,中心附近出現了一位稀客,牠的上身披著鮮藍色的羽毛,在陽光照射下呈閃亮斑塊 ,黑色的喉部配以橙色的下體,絢麗的外表吸引了很多人慕名而來,一睹牠的真面目。這名稀客正是雄性的「棕腹大仙鶲」。

棕腹大仙鶲 Fujian Niltava (Niltava davidi)是香港稀有的冬候鳥,主要在中國南部山區,如四川、福建一帶繁殖。根據香港觀鳥會的過往記錄,棕腹大仙鶲最常於十一月至翌年二月出現,每年只有零星的記錄。牠喜於濃密的林區活動,以下層叢林為主,故此,龍虎山提供了合適的生境予棕腹大仙鶲作遷徒的補充站。

自上月底,不少觀鳥者及攝影者都慕名而來,在龍虎山各處尋找牠的「仙踪」。根據我們觀察所得,棕腹大仙鶲在初期出沒於龍虎山不同的地點,並不會在固定地點覓食。不過,在新年假期之後,這隻棕腹大仙鶲竟整天固定的流連在同一個位置。原來有部份人士在該位置放了餌來吸引牠,讓牠停留在較開揚、光線較充足的位置,有利攝影/觀察。 而我們亦發現該地點的植物有被破壞的痕跡,植物的葉及幼枝被切斷,大樹的粗枝被撕扯。現場亦有遺留的垃圾、煙蒂,及餘下的餌和裝置。

部分人士遺留下來的垃圾



被人蓄意折斷的樹木幼株


大量的報紙沒被清走


從以上例子,有幾點值得我們反思:

首先,造境放餌吸引雀鳥這行為正確嗎?這方法的確能大大提升觀察或拍攝到罕有或行蹤隱秘的雀鳥的機會,令更多人能享受賞鳥和鳥攝的樂趣。但這次的棕腹大仙鶲事件,某些人士選擇將樹枝及餌擺放在開揚位置,這樣會令目標雀鳥離開牠慣常活動的棲境。另外,攝影/賞鳥人士亦沒有將場景還原,據觀察,由於造境位置仍有不少蟲餌沒被清走,棕腹大仙鶲長時間於開揚位置停留,大大增加了暴露在危險環境的風險。鶲科雀鳥多以飛蟲為主食,但某些人士使用麵包蟲為餌,這樣會改變目標雀鳥的覓食行為。有少部分人士為延長觀察或拍攝雀鳥的時間,用魚絲和鐵線綑綁蟲餌引誘雀鳥捕食,事後亦沒有將工具帶走,這做法不單干擾到野生雀鳥行為,也有機會觸犯《野生動物保護條例》。慢慢地,原本十分機警、怕生的棕腹大仙鶲變得行為遲鈍,活像一隻籠中之鳥。

拍攝棕腹大仙鶲後, 沒被清理的人造場景



拍攝後沒有被帶走的蟲餌﹣麵包蟲



拍攝及觀鳥時除了應該尊重生命,亦要愛護附近的生態環境,環境一旦改變了,不單對目標物有所影響,附近的生態亦大有牽連。少部分欠缺公德心的攝影/觀鳥人士為求一己之便,胡亂折斷附近植物的枝條,遺留下來的垃圾、煙頭亦隨處可見,這些行為不單觸犯《林區及郊區條例》及《定額罰款(公眾地方潔淨罪行)條例》同時亦破壞了附近的景觀。試問在場的其他人士還能享受到自然生態攝影/觀鳥的樂趣嗎?

我們目睹有攝影人士在現場吸煙,及後在現場發現煙蒂隨處可見



部分拍攝用的道具枝條有懷疑用作綁蟲餌的鐵線,有機會傷害目標雀鳥或其他動物



或許大家會問:甚麼是自然生態攝影?自然生態攝影簡單來說就是在自然環境底下,透過相機拍攝生物與環境間的互動。在外國,很多攝影或自然保育團體都有一些有關鳥類攝影的守則,其中的大原則只有一個,就是「拍攝物的福祉更重於攝影本身」。拍攝物的福祉是指盡量不干擾拍攝物的天然行為和習性,及保存其天然棲境。

近年來,隨著數碼單鏡反光照相機的普及,拍攝自然生態的門檻大大降減,不少攝影人士都開始嘗試以自然生態為主題。在此希望大家能以棕腹大仙鶲這例為鑑,遵守鳥攝守則之餘亦能享受到當中的樂趣!
作者: BWA    時間: 2011-2-12 23:09

不朽都反對擺拍,
對擺拍者的作風不敢恭維,
他們少有尊重被拍的對象,
只是作為滿足個人私慾的手段,
更不要說如何保育了。

以上報告再次証明了擺拍者不擇手段,
破壞自然之餘,又罔顧公德留下垃圾,
其態度品德可見一斑。
作者: spoonbill    時間: 2011-2-13 08:30     標題: 回覆 #2 深藍-Owen 的帖子

禮義廉!!!!
作者: tommy    時間: 2011-2-13 10:04

我係某大forum share出去仲畀人小返轉頭! 激鬼氣! 仲畀人話我抺黑佢地囉
作者: 深藍-Owen    時間: 2011-2-13 10:59



QUOTE:
原帖由 skyhunter 於 2011-2-13 10:04 發表
我係某大forum share出去仲畀人小返轉頭! 激鬼氣! 仲畀人話我抺黑佢地囉

預左架啦。即係同塔利班講耶穌。唔打你把你咪執身采。仲寄望佢地真係會聽下磨。
作者: kenisha    時間: 2011-2-13 11:28     標題: 回覆 #2 深藍-Owen 的帖子

多謝你的理性討論和分享,看到這些佈景時真令人感到嘆惜。不是要固意要跟造景鳥攝者站在敵對的狀態,我只希望大家明白自己的行為對大自然造成了什麼影響,也期望相關政府部門會對此事件作跟進和反應,讓大眾清晰理解有關環境保護條例的內涵和增加對大自然保育的概念,這才是真正的生態保育。
作者: vienna    時間: 2011-2-13 11:46

可悲可恥+無品!!!!
作者: 深藍-Owen    時間: 2011-2-13 14:18

唔好低能啦。你估呢到鳥會呀。黎一個塔利班殺一個。
作者: fatchun    時間: 2011-2-13 17:38

講真, 我都唔係好想出聲, 但係隔離台真係睇到我火都黎

不過理性討論, 對於少去呢個site ge人黎講, 真係好似好多垃圾,環境真係幾惡劣
我幾乎一個星期都會經過呢條路1-2日
地上ge報紙確實一直都有唔少, 除非報紙上面印住近期ge刊登日期吧, 如果唔係我都唔會當係佢地留低
另外, 折技本身亦有唔少, 我都唔當佢地啦

可是, 鐵線, 膠袋, 煙頭, 一直都好少出現
放蟲都算, 但係故意挑起紛爭, 顛倒是非, 真係忍無可忍
佢地有權set景, 我都有權拆佢景
佢有權放蟲, 我都有權告佢扔垃圾
愛護大自然ge人,會做呢d野咖咩?

好地地一條平時公公婆婆晨運ge捷徑, 比幾10人封左
無論對生態又好, 市民又好, 佢地做ge野都係擾亂緊大家(雀鳥and人)ge生活

我唔係影相人, 我只係鍾意去靠自己去發掘大自然ge寶藏!
我知有唔少人都同我一樣, 鍾意靠自己搵出黎ge感覺, 比影到一張爆框ge相更開心更興奮
可是, 佢地將自己ge快樂建築左係我ge痛苦之上!
由佢地變得習慣用蟲, 我就錯失左好多興奮ge感覺
觀鳥亦開始變得乏味

一隻被馴服左ge雀仔, 邊個會想去睇!? 同雀仔街個d有咩分別?!
咁仲係大自然ge攝影咩?!
為左影一張靚相, 真係可以放棄哂人與人之間應有ge態度咩?!

真係好失望......亦忍無可忍
作者: bond    時間: 2011-2-13 20:55

少少補充,
地盤已經停工了一段時間,
很久沒見工人了
附近晨運放狗人士人人得知;
但係新年過後垃圾日日有新,
我地就日日影相紀錄,
大量報紙, 我地都用左花花mode影底左個日期大特寫,
2011年2月10日,
諗住出d少爭議性o既相, 大家好做,
點知咁都有得俾人話造假~
不過點都好, 對於一個特意挑起紛爭的post,
都係唔留言好,
謠言止於智者, 相信大家會知道明白的
作者: 深藍-Owen    時間: 2011-2-13 21:09

呀 bond. 我都曾經相信謠言止於智者, 可恨世上愚者數目遠比智者多. 受人蒙蔽既人越來越多. 挑起爭端指鹿為馬既人就越來越大聲.
作者: tommy    時間: 2011-2-13 21:47



QUOTE:
原帖由 深藍-Owen 於 2011-2-13 21:09 發表
呀 bond. 我都曾經相信謠言止於智者, 可恨世上愚者數目遠比智者多. 受人蒙蔽既人越來越多. 挑起爭端指鹿為馬既人就越來越大聲.

深感同意!!! 剛剛都成為左受害人! 原告都變被告! *(@^$(*@%$*(@$!!!
作者: BWA    時間: 2011-2-13 21:56

造開景嘅,唔差在造埋古仔。

作者: Chimpanzee    時間: 2011-2-13 22:10

如此顛倒是非黑白...做賊喊賊的匪夷所思行為....實令我大開眼界!!
作者: kyshum    時間: 2011-2-13 22:11

本人在鳥會的其中一篇留言:
===============================================================
其實話人犯法/報警好容易令人反感, 只會激起大家的衝突, 大家出來看鳥影鳥都係想多欣賞大自然, 或是靜靜的遠離平日生活的壓力.

但話說回來, 如果真係有條法例係度, 不論你認為是否合理, 或者你認為好困難去執行, 個人認為都需要遵守. 因為我諗個官唔會同你討論這行為是否會影響鳥類的習性, 等等.. 俾佢知你明知有法例仲去挑戰仲大件事.

我先表明我的立場, 不論有無法例, 我不主張因為拍照而去用食物去引誘雀鳥, 但我都不會去跟這樣做的人生衝突/報警, 我會離開.
我都愛影鳥, 但我唔係用來"搵食", 影唔影到好閑, 只想在空餘的時間欣賞下大自然, 影些"比較"自然的野鳥, 同時希望一些其實唔係有強烈動機去做的人都思考一下. 這只是個人觀感分享, 再重申不是跟不同想法的人對立.
香港很細, 希望大家一人少句, 對事唔對人, 設身處地想想他人的感受和論點, 和而不同, 尊重他人.
===============================================================

希望大家不要太衝動, 不要太激進, 我相信謠言止於智者. 大家都明白很難改變立場不同的一方的一些觀念. 太激進的任何一方會使彼此關係惡化, 但更重要希望不會令一些本身立場中立的人的反感或聽唔入耳, 才能比較平靜地思考是對是錯.
不希望有人因為"鬥氣"而做一些其實無必要做的事, 如用食物去引誘雀鳥, 或一拍兩散, 等等.
作者: bond    時間: 2011-2-14 00:31



QUOTE:
原帖由 fatchun 於 2011-2-13 17:38 發表
講真, 我都唔係好想出聲, 但係隔離台真係睇到我火都黎

不過理性討論, 對於少去呢個site ge人黎講, 真係好似好多垃圾,環境真係幾惡劣
我幾乎一個星期都會經過呢條路1-2日
地上ge報紙確實一直都有唔少, 除非報紙上面 ...

再多少少補充:
根據連日觀察,
其實咁多人去影相同睇隻雀,
真係對個環境做成破壞, 放蟲造景的,
只有少數, 其餘人士大都十分合作,
最近兩日人數少了,
大家拍攝/觀察位置亦離大仙鶲的盤境位遠了,
沒有新的垃圾留下,
今日甚至沒有發現有人放蟲造景.

[ 本帖最後由 bond 於 2011-2-14 00:33 編輯 ]
作者: fatchun    時間: 2011-2-14 01:32     標題: 回覆 #17 bond 的帖子

呢一點其實我好明白
多數set野ge都係幾個人
其他人只係一心想影相, 並無參與set景放蟲

確實有d人其實並唔係有意去破壞大自然
而且亦對其他人有良好態度
但係無奈, 始終大樹有枯枝......
作者: garytse    時間: 2011-2-14 21:00

呢單野來龍去脈唔想知 (因為岩岩先入黎睇到)

用誘餌去引雀影小弟以前略有所聞, 但萬萬諗唔到嘅係竟然有人做左仲會覺得係冇問題...
作者: Ming    時間: 2011-2-14 21:01

我覺得無論觀鳥或影雀都會對環境有些影响,但我希望大家盡量將影响減到最低。一個地方聚雀是因為該處生態系統比較完整,不需放虫,隻雀自己都揾到食。不論是雜草、亂枝、枯葉(看似不重要的東西)都是該處生態系統的一部份,若為一己之欲而改變該處環境 (折枝、set景),通常個site會變得不太聚雀,這有點像殺雞取卵了。其實保持安靜,隻雀都會慢慢走出來,有時重會行近你身邊,隻雀行為亦比較自然,這才像大自然攝影。
作者: AC07    時間: 2011-2-14 21:12



QUOTE:
原帖由 Ming 於 2011-2-14 21:01 發表
我覺得無論觀鳥或影雀都會對環境有些影响,但我希望大家盡量將影响減到最低。一個地方聚雀是因為該處生態系統比較完整,不需放虫,隻雀自己都揾到食。不論是雜草、亂枝、枯葉(看似不重要的東西)都是該處生態系統的一部份,若 ...

唔係有無耐性問題, 而家好多人係要全綠底, 企枝, 個background化晒, 又要影飛, 之後post上網, 唔知既人會覺得"嘩! 好靚呀!!" 可能o甘佢會覺得自己好利害... 得到好多既讚美~~
作者: d_jacky    時間: 2011-2-15 03:25

我都想講下感受, 係呢個FIELD 數數手指, 都玩左六至七年。剛起步時, 影到有個RECORD 已經好開心, 慢慢要求高左, 又換500 又換600。而且對喜歡既雀會花特別多時間去等, 希望佢飛近D , 企係我想要既位置。

多年前, 於BIRDHIDE 中, 就有十數只小黑飛到面前,非常近。 終等到啦,超近, 飛行中既小黑.  當時既喜悅完全不能形容。可惜, 太過開心, 連快門都忘了。

四處走走, 尋鳥亦另人難忘, 有一次係TPK 遇見一個wave, 當中有只白腹鳳鶥。樹林下, 慢快門, 幾十秒既努力只換取到數將record. 一整天就這樣過了。

或許就是等待到收穫呢個過程中, 存在住不安定因數(運氣/ 經驗), 所以影雀咁吸引我。

DSLR 普及, 呢個FIELD 多左好多人, 大家對相片質數亦一日比一日高。 就近兩年, 香港興起放蟲/SET 景 既秘技。當中極端一點既會用夾具/ wire 釣起條蟲, 引隻雀跳飛食蟲果刻,像釣魚般。

個人觀察所見, 近日一只紅波接受別人送禮之後。當見到我們, 不用多久, 就跳上先前SET 好既木景上面。 再之前既RGFC 都有差不多既反應。是禮物既魔力嗎?是放飼既技巧問題? 雀仔既行為如此改變是好事嗎?大家心中有數吧。

明知道, 放飼會改變隻雀既行為, 還說什麼愛雀鳥, 是虛偽嗎?。。。我不能讚同他們愛鳥啦。

或許你可能會話, 唔鐘意人地放蟲, 唔好去影啦。 但你要記住, 大自然係共享既, 唔可能因你個別行為而放棄我所應享有既。
當然同時間亦可以觀察到, 放飼又有否再次變種。

最後希望大家堅持住,可能有一日, 影放蟲相既會厭倦同一個景, 同一個POSE 既相片。回歸大自然
作者: Batman    時間: 2011-2-15 14:48

明知道, 放飼會改變隻雀既行為, 還說什麼愛雀鳥, 是虛偽嗎?。。。我不能讚同他們愛鳥啦。

Strongly agree!!!!
作者: passerby-b    時間: 2011-2-15 22:26



QUOTE:
原帖由 d_jacky 於 2011-2-15 03:25 發表
冇理由你放左蟲我就走架, 個球場你架, 你係黑社會?

我也想借JACKY的這句話,談談最近我發覺的一件事情。

最近我有一位網友(並非這裏的)告訴我,他在等待拍攝那隻沒有橙胸的橙胸時,被一位「CHING」,「請」他離開(EXACT WORDING 係叫佢行開)
他沒有把詳細情況告知我,只說他當時在佈景後面三米附近。他形容事件日卜是把鳥攝私有化(我認為很有創意!)
在這裏我要聲明,我和這位網友並非很熟識(不像我和V姐已經相識了二十多年了),但是我相信他向我所說的是事實。

其實大家都不用理會這是否是事實,因為只是一個假設的話,已經是相當恐怖的事情!

橙胸所在之地,我猜是在郊野公園範圍內吧!(如果不在郊野公園之內,我又猜,應該是路政署的管轄內吧)
光天化日之下,如果我被一位並非穿著制服,又未有表露他是有關部門之公務人員,請我離開!我應該怎麼辦?
我又想:我應該怎麼辦不是最重要!最重的是請你離開的人應該知道他/她,跟本就沒有這種權力,但是他/她們還這樣做!難道香港是被黑社會統冶的嗎?就好像從前做小販一樣,給少點錢一些大佬們也不行。拍幾張照片,也要給什麼好處嗎?

我明白,很多政府部門,都會出租它們管理的地方,給相關的團體進行拍攝工作。但是,相關團體都要作出合乎程序的申請,最重要是購買一個大約由一千萬到一億元賠償的第三者保險,以保障公眾利益。之後,有關團體才可以獲得使用有關場地的權利,到時,我相信有關團體才可以有理由請閒雜人仕離開該場所。

有一天,如果有人請我離開一個公眾地方,而他/她很明顯並非政府紀律部隊人員,又非有關部門之公務人員,我該怎麼辦?

我相信,就算這個事情未發生,在不久將來也會發生

發左輪UP瘋,如果管理員發覺實在離譜,就把這貼子刪掉吧!
作者: 深藍-Owen    時間: 2011-2-15 23:17

我朋友和他太太去睇大仙. 朋友行落 D看雀. 他太太在上面. 想用 DC 影一張現場情況相. 即時有人好大聲喝止. 仲要作勢打人. 我朋友即時上返去保護佢太太, 問佢地想點? 問題係. 如果你地覺得自己係做得正確. 怕咩人影. 點解人地影你地. 你地會咁大反應? 係咪根本你地自己內心處. 都知自己做緊 d 污糟邋遢野. 所以怕人影?

佢地實話我老作. 佢地無證無據唯一可以做, 就係屈人話人地老作. 就算人地影晒相片日日記錄. 而佢地自己只係空話連連. 都係人地老作. 佢地唔係. 我只會說. 我係轉述, 看官們信不信由你.
作者: d_jacky    時間: 2011-2-15 23:17

呢D 咁極端既行為, 太可怕啦。

最緊要人生安全, 有須要時要打999。
作者: AC07    時間: 2011-2-15 23:40



QUOTE:
原帖由 passerby-b 於 2011-2-15 22:26 發表

我也想借JACKY的這句話,談談最近我發覺的一件事情。

最近我有一位網友(並非這裏的)告訴我,他在等待拍攝那隻沒有橙胸的橙胸時,被一位「CHING」,「請」他離開(EXACT WORDING 係叫佢行開)
他沒有把詳細情況告知我,只說他當時在 ...

我好彩d, 有日我同兩位朋友去影紅尾歌鴝, 隻雀已經企得好開揚, 亦已經好近, 甘有個大C同我地三個影左一轉, 甘我地行開左, 我見個大C執左碌木放係之前隻雀企個位, 放係有光到既位, 我見甘, 問佢, 你放上去做咩, 大C笑笑口同我講"比隻雀企囉", 我回佢"甘都得呀, 你唔好去影model", 之後二話不說行過去掉左佢放個碌木, 佢就好無癮甘走左(我無請佢離開架).. 好彩我無比人話我用碌木去攻擊隻雀唶~~

[ 本帖最後由 AC07 於 2011-2-15 23:42 編輯 ]
作者: zaku0328    時間: 2011-2-16 00:03

好在我喺後台偷影,佢地喺前台佈景慢慢等!

[ 本帖最後由 zaku0328 於 2011-2-16 00:14 編輯 ]
作者: fatchun    時間: 2011-2-16 00:11     標題: 回覆 #25 深藍-Owen 的帖子

世界已經變得太瘋癲......
作者: BonnieC    時間: 2011-2-16 00:20

係呀, D人癲到無野可以講, 連你吾同佢打招呼就話係你D保育人士"無品"...
作者: d_jacky    時間: 2011-2-16 10:37

我相信唔係全都癲既.  我一般都會say個 hi 既..

不過係呢個放蟲風氣下, 我搵到野都唔會同外人講啦.  怕講左比蟲友知. 不一會佢地就去搞建設. 真係道不同.
作者: 深藍-Owen    時間: 2011-2-16 10:39



QUOTE:
原帖由 d_jacky 於 2011-2-16 10:37 發表
我相信唔係全都癲既.  一般都會say個 hi 既.

不過係呢個放蟲風氣下, 我搵到野都唔會同外人講啦.  怕講左比蟲友知. 不一會佢地就去搞建設. 真係道不同. ...

呢個係我一貫做法. 雖然好多人反感. 持唔同意見. 但今日見. 我既 concern 係有理由既.
作者: 飛鳥    時間: 2011-2-16 11:02

我就hi都唔想hi,,i因為以前同我一齊玩開既都加入佢地既行列,,好痛心
作者: passerby-b    時間: 2011-2-16 11:46



QUOTE:
原帖由 BonnieC 於 2011-2-16 00:20 發表
係呀, D人癲到無野可以講, 連你吾同佢打招呼就話係你D保育人士"無品"...

剛放完X'MAS,老闆可能冇咩做,的咗我入佢office,溝通一下
佢up up吓,up到咁話"喂﹗阿B,我哋同你熟(我又咁樣 ),就唔覺得點啫,
你平時外表表現得咁冷漠,同同事招呼都唔打多個,對你唔係幾好喎(我更加 )
我只好連聲"係ge﹗係ge﹗我d種性格唔係咁好,我以後會改善ge "

e家至大發現,原來咁樣都可以俾人封做"保育"人仕﹗ 老實講,保育個definition我都唔識
我只係唔想搞任何ge嘢,棵草好好地係度,搞佢做咩呢?隻雀住係度,又點解要搞佢呢?
要搞,咪好似我細個嗰時咁,用繩縳住隻黃味龍隻腳,由得佢飛,咁點影都得啦,條繩咪ps咗佢lor

唉﹗我以為係office就俾人話啫,原來做人真係要任何時候,都要滿臉堆笑 使我諗起beyond ge "俾面派對"




歡迎光臨 HKWildlife.Net Forum 香港自然生態論壇 (http://www.hkwildlife.net/Forum/) Powered by Discuz! 5.0.0