首先要說說我開始喜歡雀鳥的經歷.......2006年12月尾(唔好意思 ,差幾日先到2007 ,都照計 la ) ,看到報紙新聞報道黑臉琵鷺來港數目破記錄 ,果時其實都未正式鍾意影雀 ,只係想去分享一下呢份喜悅 ,眼見自己又有支Tokina 400/5.6 ,就去試下la ,點知一試便愛上 .唔單止係影到滿意的相片o甘簡單 ,仲令我感受到大自然果種壯觀 ,有時未必一定要影到相 ,只是看到已很滿足了.......
2007年上半年.....由於器材所限同對雀鳥認識不足 ,影雀的次數好少 ,好多時只可用眼觀看
某日到新界想找當時大熱的斑頭鵂鶹 ,但見唔到 ,只好到附近看一看
無意中影到一張小白鷺降落的相片 ,我自己當時非常喜歡這相片 ,但鏡頭的問題令我覺得唔憤氣 ,於是便激起了我買584的念頭


大約一個月後 ,終於如願以嘗 ,584到手 .....我黎料la !!!!!  
新鏡到手後 ,立即四出找新目標
新鏡到手後兩個鍾影到的雀 : 麻鷹


之後雀運長影長有 ,新tick蜂湧而來
買鏡後第二日就影到白胸翠:D


由於新tick太多我又知識有限 ,所以便買了"香港及華南鳥類"作參考 ,的確有很大幫助

以前常常見到好多師兄師姐都影到好大隻的小翠 ,好好運地在支鏡滿月的一天給我做到了 ,以往認為自己做唔到的東西都成功了 ,實在有種難以形容的喜悅


接著要數較特別的日子可說到10月20日 ,本身係想去大嶼山找藍翡翠同觀鳥 ,無想過會有甚麼收獲 ,但當到步無耐 ,見到遠處有一灰白色小猛禽 ,用望遠鏡一看 ,wa !!! 不得了 ,係隻黑翅鳶 ,似乎在等待我的到來 .之後成個下午我都花時間在這鳥中觀察和拍照




冬天的來臨 ,亦代表著影鳥的黃金時期到來 ,當中令我最開心的新tick當然是我的最愛 : 藍翡翠
亦完成我達成四翠的一個小願望


一直到11月尾 ,因為一隻丘鷸 ,開始了一個市區小公園的神話 .在這短短的十天內 ,我在同一地方有6個新tick ,分別係:
丘鷸
普通夜鷹
鷹鴞
白喉斑秧雞
鵰鴞
紅尾歌鴝

較特別的可算是 "十秒 ,丘鷸"一事 ,估唔到用十秒曝光可以用來拍攝雀鳥


另外當然唔少得鵰鴞 ,果時係呢個公園都可以話係影飽 ,當日只係去完濕公回家時順路來看一看 ,點知比我好彩等到隻鵰鴞 ,只係停左十多秒 ,亦唔係太多人留意到............再次証明我的雀運真係非常好


話o甘快又到年尾 ,終於過到100個tick ,呢5個半月的努力換來106個tick ,算是2007年一個完滿的終結 ,希望來年雀運繼續 ,新tick來過不斷

在此好高興認識到呢道一班鳥友 ,令我學會好多正面的知識 ,亦多謝大自然與雀鳥們給我的喜悅

最後祝各位新的一年事事順景 ,身體健康 ,雀運亨通