鐵通扶手上有隻黑蟻經過,硬係覺得佢有點古怪,影低佢先。

睇真D,原來唔係蟻,而係一隻扮蟻的蜘蛛,簡稱蟻蛛。
佢本身係隻蜘蛛,咪仲殺食過蟻,何解要扮蟻呢?
原來捕食蟻的捕食者不多,因為蟻會集體反擊狂咬敵人、部份更具有蟻酸作為化武,令捕食者卻步。
於是好多其他節肢動物都會扮蟻來掩飾自己身份,方便四出搵食。
這種現象稱為Myrmecomorphy(擬蟻現象)。
擬蟻者除了外表似一隻蟻之外,行為動作亦盡量扮足,
包括行走姿態,模仿蟻的急停及『之』字形的步法,及觸角不停在空中搖晃等。
擬蟻蛛是非六足類,兼具沒有長的觸角,咁點扮得神似呢?
首先擬蟻蛛身體較為修長,走路時,一雙前足卻不著地,而是舉起在頭部前方搖動,扮成蟻的觸角,
同時亦可由非六足類扮成六足類了,真是一『舉』兩得!
上面是黑蟻蛛,好似係前面GreenDevil和清心貼過的Castianeira hongkong(圓顎蛛科Corinnidae)。
下面是黑棘蟻,同在鐵扶手上行走,不知是否是牠的擬態對象。
黑蟻蛛前足扮成蟻觸角,以不規則之字路線行走,時而急停步,驟眼看來很似一隻黑蟻。
蟻蛛不結網,而是四出活動搵食,所以扮蟻掩飾自己,除了可減少天敵,仲可以減低獵物的驚覺性。
而當佢被驚擾時,就會變返蜘蛛動作,急急逃離現場,部份更吐絲跳下走人。