由於當年工作關係．我逢 lunch 冇約人．都會落去香港公園影下野．

當年最出名．就係中間主池長年有隻夜鷺係到候教．如果到冬天．更係唔止一隻添．
主池除左有佢．仲有好多蜻蜓，昆蟲.係麻煩點就要避開影婚紗相既人．
留意叫聲．呱呱呱好大聲叫既．就係小葵花鳳頭鸚鵡．聽聲就找到佢地．
近黃昏時．聽講會有小翠出現找魚．唔知仲係唔係到喇．

主池隔離有個細池．好多蜻蜓荳娘係到交尾．可以好近影到．
個細池更係ｄ雀鳥沖涼熱點．經常有各式雀仔係到沖涼．

沿細池行上去溫室．會見一個小瀑布．唔係石山大果個．係佢右手面的．
個小瀑布頂係白腰文鳥地頭．好多隻係到 shower , 玩．

附近見近好多棕櫚樹．留意．赤腹松鼠會係呢頭出現．

行過去大鳥籠．鳥籠內唔多講喇．好多人去過．出口位沿樓梯落返黎係隻唐鵝既小天地．
唔好掛著睇佢．我見過呢個池中間．有白胸苦惡鳥．亦有人係到見過小翠．

基本上．香公ｄ雀唔怕人．偶爾都會有特別野．Issac　就係果到影過隻鳳頭鷹企定定比佢影．
多留意ｄ林，小人既地方．會有ｄ鶯．甚至 flycather 出現．

以下照片全部係 HK Park 影既．







Yellow-browed Warbler 黃眉柳鶯

估唔到有苦惡苦惡tim